സ്കൂളുകളിലെ വിദ്യാഭ്യാസ നിലവാരം:പഠനോത്സവങ്ങൾ സംഘടിപ്പിക്കണമെന്ന് സമഗ്ര ശിക്ഷ കേരളം

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Ce7kAu5nnHX7LD7X4pg8Xw

തിരുവനന്തപുരം: പൊതുവിദ്യാഭ്യാസ രംഗത്ത് വിദ്യാലയ മികവുകൾ കുട്ടികളിലൂടെ പൊതുജന സമക്ഷം എത്തിക്കുന്നതിനും പ്രചരിപ്പിക്കുന്നതിനും പഠനോത്സവങ്ങൾ സംഘടിപ്പിക്കണമെന്ന നിർദ്ദേശം മുന്നോട്ടുവച്ച് സമഗ്ര ശിക്ഷ കേരളം. ക്യുഐപി സംഘടന പ്രതിനിധികളുടെ യോഗത്തിലാണ് നിർദേശം. വാർഷിക അക്കാദമിക പദ്ധതികൾ തയ്യാറാക്കുമ്പോൾ പാലിക്കേണ്ട വിഷയങ്ങൾ ചർച്ച ചെയ്യാൻ കൂടിയ ക്യു ഐ പി സംഘടന പ്രതിനിധികളുടെ യോഗത്തിൽ പ്രതിപക്ഷ – ഭരണപക്ഷ അധ്യാപക സംഘടന ഭാരവാഹികൾ സന്നിഹിതരായി.

എസ് ഇ ആർടി ഡയറക്ടർ ഡോ. ആർ കെ ജയപ്രകാശ് യോഗം ഉദ്ഘാടനം ചെയ്തു. സമഗ്ര ശിക്ഷ കേരളം ഡയറക്ടർ ഡോ.എ.ആർ സുപ്രിയ വിഷയാവതരണവും, അധ്യക്ഷതയും നിർവഹിച്ചു.
പൊതുവിദ്യാലയങ്ങളിൽ നടപ്പാക്കുന്ന പദ്ധതികൾ എയിഡഡ് വിദ്യാലയങ്ങളിലും നടപ്പാക്കാൻ കഴിയുന്ന തരത്തിൽ വിശദമായ പദ്ധതി രൂപരേഖ തയ്യാറാക്കണമെന്നും കേന്ദ്രസർക്കാരിൽ സമ്മർദ്ദം ചെലുത്തണമെന്നും യോഗം ആവശ്യപ്പെട്ടു . നിർമ്മാണ പ്രവർത്തനങ്ങളിലടക്കം ഇതുണ്ടാകേണ്ടതുണ്ടെന്നും യോഗം വിലയിരുത്തി. പൊതുവിദ്യാഭ്യാസ വകുപ്പിന് കീഴിലുള്ള വ്യത്യസ്ത ഏജൻസികൾ ഒരേ മേഖലയിൽ തന്നെ സമാന്തര അക്കാദമിക പ്രവർത്തനങ്ങൾ സംഘടിപ്പിക്കാതിരിക്കുന്നതിനുള്ള ഏകോപനവും കൃത്യതയും ഉറപ്പ് വരുത്തണമെന്നും യോഗം നിർദേശിച്ചു. സമഗ്ര ശിക്ഷ കേരളയുടെ അക്കാദമിക – അക്കാദമികേതര പ്രവർത്തനങ്ങൾക്കും നൂതനാശയങ്ങൾ നടപ്പിലാക്കുന്നതിനുതകുന്ന പദ്ധതി ആസൂത്രണത്തിനും ക്യു ഐ പി യോഗം പിന്തുണ പ്രഖ്യാപിച്ചു. എസ് ഐ ഇ ടി ഡയറക്ടർ ബി .അബുരാജ് ക്യു ഐ പി അംഗങ്ങളായ എൻ ടി ശിവരാജൻ , എസ് ഗോപകുമാർ ,ഹരീഷ് ടി.പി, ജയകൃഷ്ണൻ ഒ കെ, സി പ്രമോദ് ബിജു എം കെ ,തമിമുദ്ദീൻ, പി എം രാജീവ് , ഡി ഡി ഇ – ഓമന , സമഗ്ര ശിക്ഷ കേരളയുടെ അഡീഷണൽ ഡയറക്ടർമാരായ ഷിബു ആർ എസ് , ശ്രീകല കെ എസ് , സ്റ്റാർസ്
പ്രോജക്ട് കൺസൾട്ടന്റ് രാധാകൃഷ്ണൻ നായർ സി, സ്റ്റേറ്റ് പ്രോഗ്രാം ഓഫീസേഴ്സ് , സംസ്ഥാന പ്രൊജക്ട് എൻജിനീയർ , സംസ്ഥാന മീഡിയ ഓഫീസർ തുടങ്ങി ഉന്നത ഉദ്യോഗസ്ഥർ പങ്കെടുത്തു.