കോളേജ് ഗസ്റ്റ് ലക്‌ചറർമാരുടെ പ്രതിഫലം ഉയരും: ഉന്നതവിദ്യാഭ്യാസ രംഗത്തിന്റെ ഗുണനിലവാരം മെച്ചപ്പെടുത്തും

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/JuuEU6443gVHL3cmafwn8g

തിരുവനന്തപുരം: സംസ്ഥാനത്തെ സർവകലാശാലകളിലെയും കോളേജുകളിലെയും ഗസ്റ്റ് ലക്‌ചറർമാരുടെ പ്രതിഫലം ഉയരും. ഇതുമായി ബന്ധപ്പെട്ട് മന്ത്രി കെ. എൻ. ബാലഗോപാൽ ബജറ്റിൽ പ്രഖ്യാപനം നടത്തി. എന്നാൽ ശമ്പള വർദ്ധനവ് എത്രയെന്നു വ്യക്തമാക്കിയിട്ടില്ല. ഉന്നത വിദ്യാഭ്യാസ രംഗത്തെ ഗുണനിലവാരം ഉയർത്തുന്നതിനുള്ള നടപടികളുടെ ഭാഗമായാണ് അധ്യാപകരുടെ പ്രതിഫലം വർധിപ്പിക്കുന്നത്. ഇതിനുപുറമേ ഉന്നത വിദ്യാഭ്യാസ രംഗത്തെ അടിസ്ഥാന സൗകര്യ വികസനത്തിന്‌ ഗവ.കോളജുകൾക്ക് 98.35 കോടി രൂപ ധനസഹായം നൽകും.
തലശ്ശേരി ബ്രണ്ണൻ കോളജിൽ ആധുനിക സൗകര്യങ്ങളോടുകൂടിയ അക്കാദമിക് കോംപ്ലക്സ് നിർമിക്കും. 30 കോടി രൂപ ചെലവ് പ്രതീക്ഷിക്കുന്ന പദ്ധതിക്ക് ഈവർഷം 10 കോടി രൂപ അനുവദിച്ചു.