മന്ത്രിയുടെ ഓഫീസ് തിരുത്തി: ഗ്രേസ്മാർക്ക് ഈ വർഷം ഉണ്ടാകും

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DJyDol6Ntu898w1sWLREHb

തിരുവനന്തപുരം:പാഠ്യേതര വിഷയങ്ങളില്‍ മികവ് പുലര്‍ത്തുന്ന വിദ്യാര്‍ത്ഥികള്‍ക്കുള്ള ഗ്രേസ് മാര്‍ക്ക് ഈ വർഷം മുതൽ പുനഃസ്ഥാപിക്കാൻ തീരുമാനം. മന്ത്രി വി.ശിവൻകുട്ടിയുടെ ഓഫീസ് ആണ് ഇക്കാര്യം അറിയിച്ചത്. ഇന്ന് വൈകിട്ട് നൽകിയ പത്രക്കുറിപ്പിൽ എസ്എസ്എൽസി, പ്ലസ് ടു വിദ്യാർത്ഥികൾക്കുള്ള ഗ്രേസ് മാർക്ക് അടുത്ത വർഷം മുതൽ ഉണ്ടാകുമെന്നാണ് അറിയിച്ചിരുന്നത്. ഇതിലാണ് ഇപ്പോൾ തിരുത്തൽ വരുത്തിയിട്ടുള്ളത്. കോവിഡ് മഹാമാരിയുടെ കാലത്ത് നിര്‍ത്തിവെച്ചിരുന്ന, പാഠ്യേതര വിഷയങ്ങളില്‍ മികവ് പുലര്‍ത്തുന്ന വിദ്യാര്‍ത്ഥികള്‍ക്കുള്ള ഗ്രേസ് മാര്‍ക്ക് ആനുകൂല്യമാണ് ഈ അധ്യയന വര്‍ഷം മുതല്‍ പുനഃസ്ഥാപിക്കുക. ജി.എച്ച്.എസ്.എസ് വടുവന്‍ചാല്‍ ആസൂത്രണം ചെയ്ത് നടപ്പാക്കുന്ന വിവിധ പദ്ധതികള്‍ മന്ത്രി ഉദ്ഘാടനം ചെയ്യുന്നതിനിടെയാണ് അടുത്ത വർഷം മുതൽ ഗ്രേസ് മാർക്ക് പുന:സ്ഥാപിക്കുമെന്ന് മന്ത്രി പറഞ്ഞത്.