SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DJyDol6Ntu898w1sWLREHb
ന്യൂഡൽഹി: സിബിഎസ്ഇയുടെ പേരിൽ രാജ്യത്ത് പ്രവർത്തിക്കുന്ന വ്യാജ വെബ്സൈറ്റ് വിദ്യാർത്ഥികളിൽ നിന്ന് പണം തട്ടുന്നു. പരീക്ഷകളുടെ അഡ്മിറ്റ് കാർഡിനെന്ന പേരിലാണ് വിദ്യാർത്ഥികളിൽ നിന്ന് പണം ഈടാക്കുന്നത്. http://cbsegovt.com എന്ന വെബ്സൈറ്റ് വഴിയാണ് തട്ടിപ്പ്.
![\"\"](\"https://schoolvartha.com/wp-content/uploads/2022/12/IMG_20221216_124539.jpg\")
സിബിഎസ്ഇയുടെ ഔദ്യോഗിക വെബ്സൈറ്റ് എന്ന രീതിയിലാണ് ഇതിന്റെ പ്രവർത്തനം. ഈ വെബ്സൈറ്റിൽ വിദ്യാർഥികൾ വഞ്ചിതരാകരുതെന്ന് ചൂണ്ടിക്കാട്ടി സിബിഎസ്ഇ അധികൃതർ രംഗത്തെത്തിയിട്ടുണ്ട്. 10,12 ക്ലാസുകളിലെ ബോർഡ് പരീക്ഷയുടെ അഡ്മിറ്റ് കാർഡ് ഡൗൺലോഡ് ചെയ്യാൻ വെബ്സൈറ്റ് വഴി ഫീസ് ആവശ്യപ്പെടുന്നുണ്ട്. എന്നാൽ അഡ്മിറ്റ് കാർഡിനായി സിബിഎസ്ഇ വിദ്യാർത്ഥികളിൽ നിന്ന് പണം ഈടാക്കുന്നില്ല എന്നും അധികൃതർ വ്യക്തമാക്കി.
വ്യാജ വെബ്സൈറ്റ് ഓപ്പൺ ചെയ്താൽ ആദ്യം സിബിഎസ്ഇ യുടെ യഥാർത്ഥ വെബ്സൈറ്റിന്റെ ലിങ്കും തൊട്ട് താഴെ അഡ്മിറ്റ് കാർഡ് പെയ്മെന്റ് എന്ന ഓപ്ഷനും നൽകിയിട്ടുണ്ട്. അഡ്മിറ്റ് കാർഡ് പെയ്മെന്റ് വഴി മുന്നോട്ടുപോകുന്ന വിദ്യാർത്ഥികളോടാണ് പണം ഈടാക്കുന്നത്. സിബിഎസ്ഇ യുടെ ഔദ്യോഗിക വെബ്സൈറ്റ് ആയ http://cbse.gov.in വഴി മാത്രം വിദ്യാർത്ഥികൾ പരീക്ഷാസംബന്ധമായ വിവരങ്ങൾ പരിശോധിക്കണമെന്ന് അധികൃതർ അറിയിച്ചു.
![\"\"](\"https://schoolvartha.com/wp-content/uploads/2022/10/FB_IMG_1655380751373-1024x1024.jpg\")