editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
വിദൂരവിദ്യാഭ്യാസ വിഭാഗം കലാമേള ഇന്നുമുതൽ: കായികമേളയിൽ മലപ്പുറം ജേതാക്കള്‍കൈറ്റ് വിക്ടേഴ്‌സിൽ കെൽസ ക്വിസ്പോസ്റ്റ്മെട്രിക് ഹോസ്റ്റലിൽ താമസിച്ച് പഠിക്കാം: അപേക്ഷ ഫെബ്രുവരി 15വരെതൊഴിലധിഷ്ഠിത പരിശീലനം, സെൻട്രൽ പോളിടെക്‌നിക്‌ പ്രവേശനം, ക്ലിനിക്കൽ ലബോറട്ടറി ടെക്‌നോളജി കോഴ്സ്ഒറ്റത്തവണ റഗുലര്‍ സപ്ലിമെന്ററി പരീക്ഷ, പരീക്ഷാഫലങ്ങൾ: കാലിക്കറ്റ്‌ സർവകലാശാല വാർത്തകൾസ്‌കൂൾ വാഹനങ്ങളുടെ ഫിറ്റ്‌നസ് സർട്ടിഫിക്കറ്റ് കാലാവധി മെയ് 31വരെ നീട്ടിപത്താംതരം, പ്ലസ് ടു തുല്യതാകോഴ്സ്: രജിസ്‌ട്രേഷൻ തുടങ്ങിഎസ്എസ്എൽസി പരീക്ഷ രജിസ്ട്രേഷൻ മാർച്ച് 2വരെ: ഡപ്യൂട്ടി ചീഫ് സൂപ്രണ്ടുമാരുടെ നിയമനത്തിന് അപേക്ഷിക്കാംകെടെറ്റ് പരീക്ഷാഫലം പ്രസിദ്ധീകരിച്ചു: 26.51 ശതമാനം വിജയംഒന്നാംവർഷ ഹയർ സെക്കന്ററി ഇംപ്രൂവ്മെന്റ്/സപ്ലിമെന്ററി പരീക്ഷയുടെ പുനർമൂല്യനിർണ്ണയ ഫലം

ക്രെഡിറ്റ് അധിഷ്ഠിത ബിരുദ പഠനം: പാഠ്യപദ്ധതി ക്രെഡിറ്റ് ചട്ടക്കൂടുമായി യുജിസി

Published on : December 13 - 2022 | 10:15 am

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DJyDol6Ntu898w1sWLREHb

ന്യൂഡല്‍ഹി:പുതിയ ദേശീയ വിദ്യാഭ്യാസ നയത്തിന്റെ ഭാഗമായി ബിരുദ പഠനത്തിനായി പാഠ്യപദ്ധതി ക്രെഡിറ്റ് ചട്ടക്കൂട് എന്ന പേരിൽ യു.ജി. സി പുതിയ മാർഗ്ഗരേഖ പ്രസിദ്ധീകരിച്ചു.ഒന്നിലേറെ വിഷയങ്ങൾക്ക് ഇനിമുതല്‍ നിശ്ചിത ക്രെഡിറ്റ് സ്വന്തമാക്കിയാൽ ഡബിൾ മേജർ ഡിഗ്രിയും നാലുവർഷ കോഴ്സ് പൂർത്തിയാക്കുന്നവർക്ക് ഓണേഴ്സ് ഡിഗ്രിയും ലഭിക്കും.

നാലുവർഷ കോഴ്സിൽ ( 8 സെമസ്റ്റർ ) പ്രധാന വിഷയത്തിൽ 80 ക്രെഡിറ്റും മൈനർ വിഷയത്തിൽ 30 ക്രെഡിറ്റും ഉൾപ്പെടെ 160 ക്രെഡിറ്റ് പൂർത്തിയാക്കുന്നവർക്കാണ് യു.ജി ബിരുദം ലഭിക്കുക.ആദ്യത്തെ 6 സെമസ്റ്ററുകളിലായി 75% മാർക്ക് നേടിയാൽ നാലാം വർഷം ഗവേഷണത്തിന്റെ പ്രാധാന്യം നൽകി പഠനം പൂർത്തിയാക്കി ഓണേഴ്സ് വിത്ത് റിസർച്ച് ബിരുദം നേടാം. റിസർച്ച് പ്രൊജക്റ്റ്, പ്രബന്ധം എന്നിവയിൽ നിന്ന് 12 ക്രെഡിറ്റുകൾ ഉൾപ്പെടെ 160 ക്രെഡിറ്റ് ഇവർ പൂർത്തിയാക്കിയിരിക്കണമെന്ന് നിർബന്ധമുണ്ട്. ഇവർക്ക് നേരിട്ട് പി എച്ച് ഡി ക്കും അപേക്ഷിക്കാം.അല്ലാത്തവർക്ക് രണ്ടാംവർഷ പി.ജി കോഴ്സുകളിലേക്ക് നേരിട്ട് പ്രവേശനവും നേടാം.മൂന്നുവർഷംകൊണ്ട് പ്രധാന വിഷയത്തിൽ ചുരുങ്ങിയത് 60 ക്രെഡിറ്റും മൈനർ വിഷയത്തിൽ 24 ക്രെഡിറ്റും ഉൾപ്പെടെ 120 ക്രെഡിറ്റ് പൂർത്തിയാക്കുന്നവർക്ക് യു.ജി ബിരുദം ലഭിക്കും. രണ്ടാം വിഷയത്തിൽ 24 ക്രെഡിറ്റിന് പകരം 48 ക്രെഡിറ്റ് നേടിയാൽ യു.ജി ഡിഗ്രി വിത്ത് ഡബിൾ മേജർ സ്വന്തമാക്കാം. നാലുവർഷ കോഴ്സിന് 64 ക്രെഡിറ്റ് ആണ് രണ്ടാമത്തെ വിഷയത്തിൽ നിന്ന് സ്വന്തമാക്കേണ്ടത്.

ബിരുദ പഠനത്തിനിടയിൽ ഇടയ്ക്ക് പിൻവാങ്ങുവാനും വീണ്ടും ചേർന്നു പഠിക്കാനും അവസരമുണ്ട്. ആദ്യ രണ്ടു സെമെസ്റ്റർ പൂർത്തിയാക്കി (40 ക്രെഡിറ്റ്) എക്സിറ്റ് ഓപ്ഷൻ തെരഞ്ഞെടുക്കുന്നവർക്ക് യു.ജി സർട്ടിഫിക്കറ്റും രണ്ടാം വർഷത്തിന് ശേഷം (80 ക്രെഡിറ്റ്) എക്സിറ്റ് ഓപ്ഷൻ തെരഞ്ഞെടുത്തവർക്ക് യു.ജി ഡിപ്ലോമയും ലഭിക്കും ഇവർക്ക് വേനലവധിക്കാലത്ത് നാല് ക്രെഡിറ്റ് ഉള്ള വൊക്കേഷണൽ കോഴ്സ് ചെയ്യാം. മൂന്നുവർഷത്തിനുള്ളിൽ തിരികെയെത്തി ഏഴുവർഷംകൊണ്ട് ബിരുദം പൂർത്തിയാക്കാനും അവസരമുണ്ട്. ഇത്തരം മാറ്റങ്ങൾക്ക് വേണ്ടി വിദ്യാഭ്യാസ സ്ഥാപനങ്ങൾ 10% സീറ്റ് അധികമായി ഒരുക്കണമെന്നാണ് നിർദ്ദേശിച്ചിരിക്കുന്നത്.

എല്ലാ വിദ്യാർത്ഥികളും വിവിധ വിഷയങ്ങളിൽ മൾട്ടി ഡിസിപ്ലിനറി കോഴ്സും പൂർത്തിയാക്കേണ്ടതുണ്ട്.
ഹ്യൂമാനിറ്റീസ് -സോഷ്യൽ സയൻസസ്, കണക്ക്- സ്റ്റാറ്റിസ്റ്റിക്സ്- കമ്പ്യൂട്ടർ ആപ്ലിക്കേഷൻസ്, ലൈബ്രറി -ഇൻഫർമേഷൻ ആൻഡ് മീഡിയ സയൻസസ്, നാച്ചുറൽ ആൻഡ് ഫിസിക്കൽ സയൻസസ് എന്നീ വിഭാഗങ്ങളിൽ നിന്ന് മൂന്നെണ്ണം തെരഞ്ഞെടുക്കണം. പന്ത്രണ്ടാം ക്ലാസിൽ പഠിക്കാത്ത വിഷയമാണ് ഇതിനായി തിരഞ്ഞെടുക്കേണ്ടത്. 9 ക്രെഡിറ്റാണ് ഇതിന് ലഭിക്കുക. യോഗ, സ്പോർട്സ്, ഡിജിറ്റൽ ആൻഡ് ടെക്നോളജിക്കൽ സൊല്യൂഷൻസ്, പരിസ്ഥിതി ശാസ്ത്രം തുടങ്ങിയ ആറ് മുതൽ എട്ടുവരെ ക്രെഡിറ്റ് ലഭിക്കാവുന്ന മൂല്യ വർധിത കോഴ്സുകളും തിരഞ്ഞെടുക്കാം.

0 Comments

Related News