SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP  https://chat.whatsapp.com/DJyDol6Ntu898w1sWLREHb

പത്തനംതിട്ട: ‘ഞങ്ങൾ അപേക്ഷിച്ചു കഴിഞ്ഞു, ഇനി 18 ആകുമ്പോൾ തനിയെ വോട്ടറായിക്കോളും’ പ്ലസ് ടു വിദ്യാർത്ഥികൾ അഭിമാനത്തോടെ പറയുന്നു. ഭാവി വോട്ടർമാർ എന്ന വിളിപ്പേര് ഇനി ഇവരിൽ നിന്നും മാറുകയാണ്. ജനപ്രാതിനിധ്യ നിയമത്തിൽ രണ്ടുമാസം മുമ്പ് വരുത്തിയ ഭേദഗതി പ്രകാരമാണ് പ്ലസ്ടു കാരിലേക്ക് തിരഞ്ഞെടുപ്പ് കമ്മീഷനെ എത്തിക്കുന്നത്

സ്കൂളുകളിൽ ഇതിനായി ഇലക്ഷൻ ലിറ്ററസി ക്ലബ്ബുകൾ രൂപം കൊടുത്തു കഴിഞ്ഞു. പരമാവധി പ്ലസ്ടുക്കാരെ വോട്ടർപട്ടികയിലേക്ക് എത്തിക്കാനായാണിത്. 18 വയസ്സ് കഴിഞ്ഞാൽ മാത്രമേ വോട്ടർ പട്ടികയിൽ പേര് ചേർക്കാൻ അപേക്ഷ നൽകാൻ സാധിക്കുമായിരുന്നുള്ളൂ. പുതിയ ഭേദഗതി പ്രകാരം 17 വയസ്സിൽ 18 ആകുമ്പോഴേക്കും വോട്ടർ പട്ടികയിൽ പേര് താനേ ഇടപിടിക്കുകയും ചെയ്യും. മൊബൈലിൽ വോട്ടർ ഹെല്പ് ലൈൻ ആപ്പ് വഴിയോ, http://.nsvp.in എന്ന വെബ്സൈറ്റിലൂടെയോ ഫോറം- 6 പൂരിപ്പിക്കാം. കൂടാതെ ബൂത്ത് ലെവൽ ഓഫീസർമാർ വഴിയും അപേക്ഷ നൽകാവുന്നതാണ്.