SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Lk83gpIkiuH9LHvkPOO7B8
തിരുവനന്തപുരം: ഈ വർഷത്തെ ഹയർ സെക്കന്ററി, വൊക്കേഷണൽ ഹയർ സെക്കന്ററി പരീക്ഷകൾ മാർച്ച് 10ന് ആരംഭിക്കും. മന്ത്രി വി.ശിവൻകുട്ടിയാണ് വാർത്താ സമ്മേളനത്തിൽ ഇക്കാര്യം അറിയിച്ചത്. 10ന് ആരംഭിച്ച് മാർച്ച് 30ന് അവസാനിക്കുന്ന രീതിയിലാണ് പരീക്ഷകൾ ക്രമീകരിച്ചിരിക്കുന്നത്. ഒന്നും രണ്ടും വർഷ ഹയർ സെക്കന്ററി, വൊക്കേഷണൽ ഹയർ സെക്കന്ററി മാതൃകാ പരിക്ഷകൾ ഫെബ്രുവരി 27ന് ആരംഭിച്ച് മാർച്ച് 3ന് അവസാനിക്കും.
![\"\"](\"https://schoolvartha.com/wp-content/uploads/2022/10/FB_IMG_1661542460031-1024x1024.jpg\")
രണ്ടാംവർഷ ഹയർസെക്കന്ററി പ്രായോഗിക പരീക്ഷകൾ 2023 ഫെബ്രുവരി ഒന്നിനും
വൊക്കേഷണൽ ഹയർ സെക്കണ്ടറി
പ്രായോഗിക പരീക്ഷകൾ 2023 ജനുവരി 25നും ആരംഭിക്കും. ഒമ്പത് ലക്ഷത്തിലധികം വിദ്യാർത്ഥികൾ ഒന്നും രണ്ടും വർഷ ഹയർ സെക്കണ്ടറി പൊതുപരീക്ഷകളും അറുപതിനായിരത്തോളം വിദ്യാർത്ഥികൾ വൊക്കേഷണൽ ഹയർ സെക്കണ്ടറി പൊതുപരീക്ഷയും എഴുതും.
![\"\"](\"https://schoolvartha.com/wp-content/uploads/2022/11/1668626901596-1024x718.jpg\")
രണ്ടാം വർഷ ഹയർ സെക്കണ്ടറി &
ഹയർ സെക്കണ്ടറി മൂല്യനിർണ്ണയം 2023 ഏപ്രിൽ 3 ന് ആരംഭിച്ച് പരീക്ഷാഫലം മെയ് 25 നകം പ്രഖ്യാപിക്കും. ഹയർ സെക്കണ്ടറിയ്ക്ക് 82 മൂല്യനിർണയ ക്യാമ്പുകളാണ് ഉണ്ടാവുക.
ഇരുപത്തിനാലായിരത്തോളം അധ്യാപകർ
മൂല്യനിർണ്ണയത്തിൽ പങ്കെടുക്കും.
വൊക്കേഷണൽ ഹയർ സെക്കണ്ടറിയിൽ 8
മൂല്യനിർണ്ണയ ക്യാമ്പുകൾ ഉണ്ടാവും.
അതിൽ മൂവായിരത്തി അഞ്ഞൂറ് അധ്യാപകർ
മൂല്യനിർണ്ണയ ക്യാമ്പുകളിൽ പങ്കെടുക്കും.
![\"\"](\"https://schoolvartha.com/wp-content/uploads/2022/10/Vishualize-another-02-02-1024x1018.jpg\")
