editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
സംസ്ഥാന സ്കൂൾ കായികമേളയ്ക്ക് കൊടിയേറി: 9 സ്വർണ്ണവുമായി പാലക്കാട്‌ മുന്നിൽവിവിധ പരീക്ഷകൾ, ഫിസിയോതെറാപ്പിസ്റ്റ് നിയമനം: കാലിക്കറ്റ്‌ സർവകലാശാല വാർത്തകൾസംസ്കൃത സർവകലാശാല പരീക്ഷ തീയതികളിൽ മാറ്റംപരീക്ഷകൾ മാറ്റി, പരീക്ഷാഫലം, ടൈം ടേബിളിൽ മാറ്റം: എംജി സർവകലാശാല വാർത്തകൾഹയർ സെക്കന്ററി ഒന്നാംവർഷ തുല്യതാ ഇംപൂവ്മെന്റ്/സപ്ലിമെന്ററി പരീക്ഷകൾ ജനുവരി 20മുതൽനവോത്ഥാന നായകരുയര്‍ത്തിയ സാര്‍വത്രിക വിദ്യാഭ്യാസം ഉന്നത നിലവാരത്തോടെയാണ് സര്‍ക്കാര്‍ നടപ്പാക്കുന്നതെന്ന് മുഖ്യമന്ത്രി പിണറായി വിജയന്‍മോഡല്‍ കരിയര്‍ സെന്റര്‍ സൗജന്യ പ്ലേസ്‌മെന്റ് ഡ്രൈവ്: ഡിസംബര്‍ 16വരെ രജിസ്‌ട്രേഷന്‍ഗുരുവായൂർ ഏകാദശി: ശനിയാഴ്ച്ച പ്രാദേശിക അവധിശുചിത്വമിഷനില്‍ അവസരം: ഡിസംബര്‍ 9വരെ അപേക്ഷിക്കാംസ്റ്റീല്‍ അതോറിറ്റി ഓഫ് ഇന്ത്യയില്‍ പാരാമെഡിക്കല്‍ നിയമനം: 78ഒഴിവുകള്‍

സുൽഫത്ത് ഇനി പൊന്നാനിയുടെ സ്വന്തം ഡോക്ടർ: അധികൃതരോട് നന്ദിപറഞ്ഞ് മത്സ്യതൊഴിലാളി കുടുംബം

Published on : November 15 - 2022 | 7:41 am

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Lk83gpIkiuH9LHvkPOO7B8

പൊന്നാനി: സർക്കാരിന്റെ പ്രത്യേക ഉത്തരവിലൂടെ എംബിബിഎസ് പഠനം പൂർത്തിയാക്കിയ സുൽഫത്ത് ഇനി പൊന്നാനിയുടെ സ്വന്തം ഡോക്ടർ. സർക്കാരിന്റെ പ്രത്യേക ഉത്തരവ് പ്രകാരമുള്ള ഫീസ് ഇളവോടെയാണ് മൽസ്യ തൊഴിലാളി കുടുംബത്തിൽ നിന്നുള്ള സുൽഫത്ത് ഡോക്ടർ എന്ന മോഹം യാഥാർഥ്യമാക്കിയത്. സുൽഫത്തിന്റെയും കുടുംബത്തിന്റെയും സ്വപ്നം യാഥാർഥ്യമായത് ഇങ്ങനെ; 2017ലെ എൻട്രൻസ് കടമ്പ കടന്ന സുൽഫത്തിന് എം.ബി.ബി.എസിന് ലഭിച്ചത് സ്വാശ്രയ കോളേജിലെ സർക്കാർ സീറ്റ്. അഞ്ച് വർഷത്തേക്ക് സർക്കാർ നിശ്ചയിക്കുന്ന ഫീസ് അടക്കണമെന്ന കാര്യം നിർധന കുടുംബത്തെ പ്രതിസന്ധിയിലാക്കി.

മകളുടെ കഠിന പ്രയത്നവും, ആഗ്രഹവും പാതിവഴിയിൽ നിലച്ചു പോകുന്ന വേവലാതിയോടെ പിതാവ് ഏഴുകുടിക്കൽ ലത്തീഫ് സ്പീക്കർ പി.ശ്രീരാമകൃഷ്ണന് മുന്നിലെത്തി. ഒ.ബി.സി മത്സ്യത്തൊഴിലാളികളുടെ കുട്ടികൾക്ക് ഫീസിളവില്ലെന്ന കടമ്പ മറികടക്കാൻ സ്പീക്കർ ഇടപെടൽ നടത്തി. മുഖ്യമന്ത്രിയുമായും ആരോഗ്യവകുപ്പ് , ഫിഷറീസ് വകുപ്പ് മന്ത്രി മാരുമായുള്ള സ്‌പീക്കറുടെ അടിയന്തിര യോഗത്തിന് ഒടുവിൽ തീരുമാനമായി.
മൽസ്യ തൊഴിലാളിയുടെ മക്കൾക്ക് സ്വാശ്രയ കോളേജിലെ സർക്കാർ ഫീസ് ഫിഷറീസ് വകുപ്പ് അടക്കാൻ കഴിയുമോ എന്ന് വകുപ്പ് സെക്രട്ടറിമാരോട് ആലോചിക്കാൻ മന്ത്രിമാർ നിർദേശിച്ചു.


അങ്ങിനെ പട്ടിക ജാതി – വർഗ്ഗ കുട്ടികൾക്ക് അതാത് വകുപ്പുകൾ നൽകുന്ന പഠനാനുകൂല്യം മത്സ്യത്തൊഴിലാളി കുട്ടികൾക്ക് ഫിഷറീസ് വകുപ്പുവഴി ലഭ്യമാക്കാമെന്നു വിവിധ തലത്തിലെ ചർച്ചക്കൊടുവിൽ തീരുമാനമാകുകയും അത് പ്രകാരം രണ്ടു ദിവസം കൊണ്ട് സർക്കാർ ഉത്തരവിറക്കുകയും ചെയ്തു. സുൽഫത്തിന് അടക്കേണ്ട ഫീസ് ഫിഷറീസ് വകുപ്പിൽ നിന്ന് കൊല്ലം ട്രാവൻകൂർ മെഡിക്കൽ കോളേജ് അക്കൗണ്ടിലേക്ക്‌ എത്തിയതോടെ സുൽഫത്ത് എം.ബി.ബി.എസ് വിദ്യാർത്ഥിയായി മാറി. അഞ്ച് വർഷത്തെ പഠനം പൂർത്തീകരിച്ച സുൽഫത്ത് തീരദേശ മേഖലയിൽ നിന്നുള്ള ആദ്യ ഡോക്ടറായി മാറുകയാണ്. ആറ് മാസത്തെ ഹൗസ് സർജൻസി കൂടി കഴിയുന്നതോടെ സുൽഫത്തിൻ്റെ എം.ബി.ബി.എസ് പഠനം പൂർത്തിയാകും. ഇതിനു ശേഷം പിജി പ്രവേശനം നേടാനാണ് സുൽഫത്തിന്റെ ശ്രമം.

0 Comments

Related News