കലാമണ്ഡലത്തിന്റെ വാർഷികാഘോഷങ്ങൾക്ക് കോടിയേറി

SUBSCRIBE OUR YOUTUBE CHANNEL  https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Lk83gpIkiuH9LHvkPOO7B8

ചെറുതുരുത്തി: കേരള കലാമണ്ഡലത്തിന്റെ 92മത് വാർഷികാഘോഷത്തിന് തുടക്കമായി. കൂത്തമ്പലത്തിനു മുൻപിലുള്ള കൊടിമരത്തിൽ വൈസ് ചാൻസലർ പ്രൊഫസർ എം.വി.നാരായണൻ പതാക ഉയർത്തിയതോടെ ആഘോഷ പരിപാടികൾക്ക് തുടക്കമായി. കലാമണ്ഡലം രജിസ്ട്രാർ പി.രാജേഷ്കുമാർ ഭരണസമിതി അംഗങ്ങളായ കരിയന്നൂർ നാരായണൻ നമ്പൂതിരി, കലാമണ്ഡലം പ്രഭാകരൻ, അദ്ധ്യാപകർ , വിദ്യാർഥികൾ, ഓഫീസ് ജീവനക്കാർ തുടങ്ങിയവർ സന്നിഹിതരായിരുന്നു. നാഗസ്വര കച്ചേരിയോടെ രംഗാവിഷ്ക്കാരങ്ങൾക്ക് തുടക്കമായി.
കാഞ്ചികാമകോടി പീഠം ആസ്ഥാന വിദ്വാൻ രാഗരഞ്ജിത കലാരത്ന നാഗസ്വര കലൈമണി വിദ്വാൻ ഡോ. കാളഹസ്തി ദുർഗ്ഗാപ്രസാദ്, കാഞ്ചി കാമകോടിപീഠം ആസ്ഥാന വിദ്വാൻ നാദഇസൈ ശിരോമണി കെ വെങ്കിടേശ്വരുലു, തവിൽ -ലയജ്ഞാന ഇളവരസർ ലയവാദ്യകലാനിധി മേട്ടുപ്പാളയം എം എസ് രവികുമാർ, ലയ ജ്ഞാന ഇളവരസർ ലയ നാദതിലകം ഡോ. കാവാലം ബി ശ്രീ കുമാർ എന്നിവർ ചേർന്ന് അവതരിപ്പിച്ച നാഗസ്വരകച്ചേരി കൂത്തമ്പലത്തെ താളലയ സാന്ദ്രമാക്കി.