പ്രധാന വാർത്തകൾ
പരീക്ഷാ സമയത്ത് വിദ്യാഭ്യാസ ബന്ദ്: വിദ്യാർത്ഥികളോടുള്ള ദ്രോഹമെന്ന് വി.ശിവൻകുട്ടിസ്വയം നിയന്ത്രിത വാഹനങ്ങളുടെ ചിപ്പ് വികസനം: പദ്ധതിയുമായി ഗവ. മോഡൽ എൻജിനീയറിങ്ങ് കോളജ് അധ്യാപകർഎംബിഎ പ്രവേശന പരീക്ഷ: ഉത്തരസൂചിക വന്നുഭിന്നശേഷി മേഖലയിലെ പദ്ധതി ആവിഷ്ക്കരണത്തിനായി ഓൺലൈൻ ജേണൽ പുറത്തിറക്കുംഇരിങ്ങാലക്കുട കല്ലേറ്റുംകരയിൽ ഗണിതശാസ്ത്ര പഠനകേന്ദ്രം വരുംസംസ്ഥാനത്ത് നാളെ കെ.എസ്.യുവിന്റെ വിദ്യാഭ്യാസ ബന്ദ്നാലുവർഷ ബിരുദ കോഴ്സുകൾ: പ്ലസ് ടു വിദ്യാർത്ഥികൾക്കായി ബോധവൽക്കരണ പരിപാടിഹയർ സെക്കന്ററി സ്ഥലംമാറ്റം സ്റ്റേ ചെയ്ത സംഭവം: സർക്കാർ ട്രിബ്യൂണലിനെ സമീപിക്കുംസ്കൂളുകളിൽ വായനയ്ക്ക് ഗ്രേസ് മാർക്ക്: 12ന് യോഗം ചേരുംനാഷണൽ മീൻസ് കം മെറിറ്റ് സ്‌കോളർഷിപ്പ്: മികവിന് അംഗീകാരം

കേരള കലാമണ്ഡലത്തിൽ വള്ളത്തോൾ ജയന്തിയും കലാമണ്ഡലം വാർഷികവും: ആഘോഷ പരിപാടികൾക്ക് 7ന് തുടക്കം

Nov 5, 2022 at 11:13 am

Follow us on

SUBSCRIBE OUR YOUTUBE CHANNEL   https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Lk83gpIkiuH9LHvkPOO7B8

ചെറുതുരുത്തി: കേരള കലാമണ്ഡലത്തിന്റെ 144-മത് വള്ളത്തോൾ ജയന്തിയും 92-മത് കലാമണ്ഡലം വാർഷികവും നവംബർ 7,8,9 തീയതികളിൽ നടക്കും. ഏഴാം തീയതി രാവിലെ ഒമ്പതരയ്ക്ക് കൂത്തമ്പലത്തിന് മുന്നിൽ പതാക ഉയരുന്നതോടെ മൂന്ന് നാൾ നീണ്ടു നില്ക്കുന്ന വാർഷികാഘോഷങ്ങൾക്ക് തുടക്കമാകും. വൈകിട്ട് 4.30ന് നടക്കുന്ന വാർഷിക സമ്മേളനം വൈസ് ചാൻസലർ പ്രൊഫ എം.വി. നാരായണന്റെ അധ്യക്ഷതയിൽ മന്ത്രി കെ.രാധാകൃഷ്ണൻ ഉദ്ഘാടനം ചെയ്യും.

\"\"

നിർമ്മാണപ്രവർത്തനങ്ങളുടെ ഉദ്ഘാടനവും കലാമണ്ഡലം ഫെല്ലോഷിപ്പ് അവാർഡ് എന്റോവ്മെന്റ് സമർപ്പണവും മന്ത്രി വി.എൻ. വാസവൻ നിർവ്വഹിക്കും. ചടങ്ങിൽ മുൻ വൈസ് ചാൻസലർ ഡോ. ടി കെ നാരായണൻ വിശിഷ്ടാതിഥി ആയിരിക്കും. എട്ടാം തീയതി വൈകിട്ട് 4.30ന് നടക്കുന്ന മണക്കുളം മുകുന്ദരാജാ അനുസ്മരണ സമ്മേളനം ഉദ്ഘാടനവും എന്റോവ്മെന്റ് വിതരണവും മുൻ സാംസ്കാരിക വകുപ്പ് മന്ത്രി ശ്രീ ഏ കെ ബാലൻ നിർവ്വഹിക്കും. വള്ളത്തോൾ ആചാര്യശ്രേഷ്ഠ പത്മശ്രീ ഡോ. കലാമണ്ഡലം ഗോപി അദ്ധ്യക്ഷത വഹിക്കുന്ന ചടങ്ങിൽ ലളിത കലാ അക്കാദമി സെക്രട്ടറി ശ്രീ എൻ ബാലമുരളീകൃഷ്ണൻ വിശിഷ്ടാതിഥിയായിരിക്കും.

\"\"

കലാമണ്ഡലം ഭരണസമിതി അംഗം ഡോ. പി വേണുഗോപാലൻ മണക്കുളം മുകുന്ദരാജാ അനുസ്മരണം നടത്തും. നവംബർ ഒമ്പതിന് മഹാകവി വള്ളത്തോളിന്റെ സമാധിയിൽ പുഷ്പാർച്ചനയോടെ വള്ളത്തോൾ ജയന്തി ആഘോഷങ്ങൾക്ക് സമാരംഭമാകും. തുടർന്ന് കൂത്തമ്പലത്തിൽ കേരള സാഹിത്യ അക്കാദമി സെക്രട്ടറി ശ്രീ സി പി അബൂബക്കറിന്റെ അദ്ധ്യക്ഷതയിൽ കവിയരങ്ങ് ഉണ്ടായിരിക്കുന്നതാണ്. വൈകിട്ട് വൈസ് ചാൻസലർ ഡോ. എം വി നാരായണന്റെ അദ്ധ്യക്ഷതയിൽ നടക്കുന്ന സമാപന സമ്മേളനം ഉദ്ഘാടനം മേളാചാര്യൻ പത്മശ്രീ മട്ടന്നൂർ ശങ്കരൻകുട്ടിമാരാർ നിർവഹിക്കും. മുൻ എം പി ശ്രീ പി കെ ബിജു, ഹോണററി ജർമ്മൻ സ്ഥാനപതി ഡോ. സെയ്ത് ഇബ്രാഹിം എന്നിവർ മുഖ്യാതിഥികളാകുന്ന ചടങ്ങിൽ പ്രശസ്ത കവി ശ്രീ പ്രഭാ വർമ്മ വള്ളത്തോൾ അനുസ്മരണ പ്രഭാഷണം നടത്തും. ഈ മൂന്ന് ദിവസങ്ങളിലായി നാഗസ്വര കച്ചേരി, പഞ്ചവാദ്യം, സംഗീത കച്ചേരി, കൂടിയാട്ടം, പഞ്ചമദ്ദള കേളി, നാദലയം, ഇരട്ട തായമ്പക, ഭരതനാട്യം, മോഹിനിയാട്ടം, പറയൻ തുള്ളൽ, കുച്ചുപ്പുടി, കഥകളി എന്നിവ ഉണ്ടായിരിക്കുന്നതാണ്.

\"\"

മൂന്ന് നാൾ നീണ്ടു നിൽക്കുന്ന പരിപാടികളിൽ എല്ലാ അഭ്യുദയകാംക്ഷികളുടെയും കലാപ്രേമികളുടെയും സഹായ സഹകരണങ്ങൾ ഉണ്ടാകണമെന്ന് വള്ളത്തോൾ ആചാര്യശ്രേഷ്ഠ പത്മശ്രീ ഡോ. കലാമണ്ഡലം ഗോപി അഭ്യർത്ഥിച്ചു. കൂടാതെ കഥകളിയിൽ മികവ് തെളിയിക്കുന്ന അഞ്ച് യുവകലാകാരന്മാർക്ക് വള്ളത്തോൾ ആചാര്യ ശ്രേഷ്ഠ പ്രോത്സാഹന പുരസ്കാരം കലാമണ്ഡലം ഏർപ്പെടുത്തിയതായി രജിസ്ട്രാർ ഡോ. രാജേഷ് കുമാർ പി അറിയിച്ചു. ഭരണസമിതി അംഗങ്ങളായ ശ്രീ ടി കെ വാസു, കെ രവീന്ദ്രനാഥ്, മീഡിയാ ആന്റ് പബ്ലിസിറ്റി കൺവീനർ ഡോ. ഷിനോജ് പി വി എന്നിവർ പത്രസമ്മേളനത്തിൽ പങ്കെടുത്തു.

\"\"

Follow us on

Related News

പരീക്ഷാ സമയത്ത് വിദ്യാഭ്യാസ ബന്ദ്: വിദ്യാർത്ഥികളോടുള്ള ദ്രോഹമെന്ന് വി.ശിവൻകുട്ടി

പരീക്ഷാ സമയത്ത് വിദ്യാഭ്യാസ ബന്ദ്: വിദ്യാർത്ഥികളോടുള്ള ദ്രോഹമെന്ന് വി.ശിവൻകുട്ടി

തിരുവനന്തപുരം:പരീക്ഷാ സമയത്ത് കെഎസ്‌യു വിദ്യാഭ്യാസ ബന്ദ് പ്രഖ്യാപിച്ചത് വിദ്യാർത്ഥികളോട് ചെയ്യുന്ന...