SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/HQhjpKVfYW18KNNmRpNRq0
കുറ്റിപ്പുറം: ഈ വർഷത്തെ സംസ്ഥാന ടെക്ക്‌നിക്കല്‍ സ്‌കൂള്‍ കായികമേളയ്ക്ക് കുറ്റിപ്പുറം വേദിയാകും. കായിക മേളയ്ക്ക് കുറ്റിപ്പുറം ഗവ. ടെക്ക്‌നിക്കല്‍ ഹൈസ്‌കൂളാണ് ആതിഥേയത്വം വഹിക്കുക. ജനുവരിയില്‍ നടക്കുന്ന മേളക്ക് ചൊവ്വാഴ്ച സംഘാടക സമിതി രൂപീകരിക്കും. 38ാമത് സംസ്ഥാന ടെക്ക്‌നിക്കല്‍ സ്‌കൂള്‍ കായികമേളക്കാണ് കുറ്റിപ്പുറത്ത് ഒരുക്കങ്ങള്‍ തുടങ്ങിയിരിക്കുന്നത്. ജനുവരിയില്‍ മൂന്നു ദിവസങ്ങളിലായാണ് മേള നടക്കുക. 39 ടെക്ക്‌നിക്കല്‍ സ്‌കൂളുകളിലേയും ഒമ്പത് ഐ.എച്ച്.ആര്‍.ഡി കേന്ദ്രങ്ങളിലേയും കുട്ടികളാണ് മാറ്റുരക്കുക.
![\"\"](\"https://schoolvartha.com/wp-content/uploads/2022/10/IMG-20221013-WA0002-1024x1024.jpg\")
12 വര്‍ഷത്തിന് ശേഷമാണ് സംസ്ഥാനമേള കുറ്റിപ്പുറത്ത് വിരുന്നെത്തുന്നത്. 2010ലാണ് നേരത്തെ ഇവിടെ മേള നടന്നത്. ജനുവരി രണ്ടാം വാരത്തിലായിരിക്കും ഇത്തവണത്തെ മേള. സംഘാടക സമിതി രൂപീകരണം ചൊവ്വാഴ്ച വൈകീട്ട് നാലിന് സ്‌കൂള്‍ ഓഡിറ്റോറിയത്തില്‍ നടക്കും. പ്രഫ. ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്യും. മേളയുടെ ലോഗോപ്രകാശനവും ചടങ്ങില്‍ നടക്കും.
![\"\"](\"https://schoolvartha.com/wp-content/uploads/2022/10/IMG-20221010-WA0064-1024x1024.jpg\")
