SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/Lhv0jNPe0Bb5ZwbXmu90iJ

കണ്ണൂർ:സർവകലാശാലയുടെ കീഴിലുള്ള വിവിധ പഠനവകുപ്പുകളിലും അംഗീകൃത ഗവേഷണ കേന്ദ്രങ്ങളിലും 2022-23 വർഷത്തിലേക്കുള്ള  പി.എച്ച്.ഡി. പ്രവേശനത്തിനായി (എൻട്രൻസ് പരീക്ഷയിൽ നിന്നും ഒഴിവാക്കിയ വിഭാഗത്തിൽനിന്ന് മാത്രം) അപേക്ഷകൾ ക്ഷണിക്കുന്നു. യോഗ്യരായ അപേക്ഷകർ ഓൺലൈൻ രജിസ്‌ട്രേഷൻ ചെയ്ത് അപേക്ഷയുടെ പ്രിന്റ് ഔട്ട്, ചെല്ലാൻ രസീത്, മാറ്റ് അനുബന്ധ രേഖകൾ എന്നിവ ഡയറക്ടർ, റിസർച്ച് & ഡെവലപ്മെന്റ്  സെൽ, കണ്ണൂർ സർവകലാശാല, സിവിൽ സ്റ്റേഷൻ, കണ്ണൂർ- 670002 എന്ന വിലാസത്തിൽ അയക്കണം. അപേക്ഷകൾ ലഭിക്കേണ്ട അവസാന തിയ്യതി ഒക്ടോബർ 29 . കൂടുതൽ വിവരങ്ങൾക്ക് വെബ്‌സൈറ്റ് സന്ദർശിക്കുക.

എൻ.എസ്.എസ്. അവാർഡ് വിതരണം
2021-22 വർഷത്തെ കണ്ണൂർ സർവകലാശാലാ തലത്തിലുള്ള എൻ എസ് എസ് അവാർഡ്ദാന ചടങ്ങ് ഒക്ടോബർ 22 ന് സർവകലാശാലാ ആസ്ഥാനത്ത് വച്ച് നടക്കും. 2018-19, 2019-20, 2020-21 വർഷത്തെ സംസ്ഥാന എൻ എസ് എസ് അവാർഡ് ജേതാക്കൾ, റിപ്പബ്ലിക് ദിന പരേഡിൽ കണ്ണൂർ സർവകലാശാലയെ പ്രതിനിധീകരിച്ച ഗായത്രി കെ എം, 2020-21 വർഷത്തെ എൻ എസ് എസ് വളണ്ടിയർ വിഭാഗത്തിൽ ദേശീയ അവാർഡ് കരസ്ഥമാക്കിയ ആകാശ് പി എന്നിവരെ ചടങ്ങിൽ അനുമോദിക്കും.

പ്രൈവറ്റ് രജിസ്ട്രേഷൻ അസൈൻമെന്റ്
കണ്ണൂർ സർവകലാശാല പ്രൈവറ്റ് രജിസ്ട്രേഷൻ ഒന്നാം സെമസ്റ്റർ ബിരുദ പ്രോഗ്രാമുകളുടെ അസൈൻമെന്റ് ഒക്ടോബർ 17, തിങ്കൾ വൈകിട്ട് അഞ്ച് മണിക്കു മുൻപായി വിദൂര വിദ്യാഭ്യാസ വിഭാഗത്തിൽ സമർപ്പിക്കണം. സർവ്വകലാശാല വെബ്സൈറ്റിൽ നിന്നും അസൈൻമെന്റ് ചോദ്യങ്ങളും മാർഗനിർദേശങ്ങളും ഡൗൺലോഡ് ചെയ്യാം. വിഷാദ വിവരങ്ങൾക്ക് വെബ്‌സൈറ്റ് സന്ദർശിക്കുക.

റിഫ്രഷർ കോഴ്സിലേക്ക് അപേക്ഷിക്കാം
കണ്ണൂർ സർവകശാല യു ജി സി – എച് ആർ ഡി സി 2022-23 വർഷത്തിൽ യു ജി സി അനുവദിച്ച ഫാക്കൽറ്റി ഇൻഡക്ഷൻ കോഴ്സിലേക്ക് സർവകലാശാല, കോളേജ് അദ്ധ്യാപകർക്ക് ഓൺലൈൻ ആയി അപേക്ഷിക്കാവുന്നതാണ്. ഫാക്കൽറ്റി ഇൻഡക്ഷൻ പ്രോഗ്രാം ഒക്ടോബർ 13 മുതൽ 26 വരെയായിരിക്കും. അപേക്ഷകർക്ക് കണ്ണൂർ സർവകലാശാല എച് ആർ ഡി സി വെബ്സൈറ്റിൽ ഒറ്റത്തവണ രജിസ്ട്രേഷൻ പൂർത്തിയാക്കി കോഴ്സുകൾക്ക് അപേക്ഷ സമർപ്പിക്കാവുന്നതാണ്. വിശദവിവരങ്ങൾ സർവകലാശാല എച് ആർ ഡി സി വെബ്സൈറ്റിൽ  ലഭ്യമാണ്. http://hrdc.kannuruniversity.ac.in

കണ്ണൂർ സർവകലാശാല ഫിക്‌സചർ മീറ്റിങ് സംഘടിപ്പിച്ചു 
2022 -23 വർഷത്തേക്കുള്ള സർവകലാശാല തല കായികമത്സരങ്ങളുടെ നടത്തിപ്പുമായി ബന്ധപ്പെട്ട ഫിക്‌സചർ മീറ്റിങ്  സർവകലാശാലാ ആസ്ഥാനത്ത് സംഘടിപ്പിച്ചു. ഫിസിക്കൽ എഡ്യൂക്കേഷൻ ഡയറക്ടർ ഡോ. ജോ ജോസഫ് സ്വാഗതം പറഞ്ഞ ചടങ്ങിന്റെ ഉദ്ഘാടനം സർവകലാശാലാ രജിസ്ട്രാർ ഡോ. ജോബി കെ ജോസ് നിർവ്വഹിച്ചു. സിൻഡിക്കേറ്റ് അംഗം എം.സി രാജു, സെനറ്റ് അംഗം സാജു പി. ജെ, അക്കാദമിക്ക് കൗൺസിൽ അംഗം പി. രഘുനാഥ്, അസിസ്റ്റന്റ് ഡയറക്ടർ അനൂപ്, എന്നിവർ പങ്കെടുത്തു.  സർവകലാശാലയിലെ വിവിധ കോളേജുകളിലായി അമ്പതിലധികം മത്സരയിനങ്ങൾ സംഘടിപ്പിക്കും. സർവകലാശാലയിലെ 5000 ലധികം കുട്ടികൾ പങ്കെടുക്കും.