നവോദയ സ്കൂൾ പ്രവേശനം: അപേക്ഷ ഒക്ടോബർ 25വരെ

Sep 5, 2022 at 5:27 am

Follow us on

SUBSCRIBE OUR YOUTUBE CHANNEL https://youtube.com/c/SchoolVartha
JOIN OUR WHATSAPP GROUP https://chat.whatsapp.com/DDCX54FCYay34j5ZfyMntx

തിരുവനന്തപുരം: രാജ്യത്തെ നവോദയ വിദ്യാലയങ്ങളിൽ 2023-24 വർഷത്തിൽ
9-ാം ക്ലാസിൽ ഒഴിവു വരുന്ന സീറ്റുകളിലെ പ്രവേശനത്തിന് (ലാറ്ററൽ എൻട്രി) ഒക്ടോബർ15വരെ അപേക്ഷ നൽകാം. http://navodaya.gov.in എന്ന വെബ്സൈറ്റ് വഴി ഓൺലൈനായി അപേക്ഷ നൽകാം.
വിദ്യാർത്ഥികൾക്ക് താമസവും ഭക്ഷണവും അടക്കം സൗജന്യമാണ്. കേരളത്തിൽ 14
നവോദയ സ്കൂളുകളിൽ ആകെ 56
ഒഴിവുകൾ ഉണ്ട്.

അപേക്ഷകർ അതത് ജില്ലകളിൽ ഗവ./ ഗവ. അംഗീകൃത സ്കൂളുകളിൽ ഇപ്പോൾ എട്ടാം ക്ലാസിൽ പഠിക്കുന്നവർ ആയിരിക്കണം. അപേക്ഷകർ 2008 മെയ്‌ ഒന്നിന് മുൻപോ 2010 ഏപ്രിൽ 30ന് ശേഷമോ ജനിച്ചവരായിരിക്കരുത്. ആർക്കും വയസ് ഇളവ് ലഭിക്കില്ല. 2023 ഫെബ്രുവരി 11നാണ് പ്രവേശന പരീക്ഷ. അപേക്ഷകർക്ക് സ്വന്തം ജില്ലയിലെ നവോദയ വിദ്യാലയത്തിൽ പരീക്ഷ എഴുതാം. രണ്ടര മണിക്കൂറാണ് പരീക്ഷ. 8-ാം ക്ലാസ് നിലവാരത്തിലുള്ള ഇംഗ്ലിഷ് (15മാർക്ക്), ഹിന്ദി (15) മാസ് (35),
സയൻസ് (35) എന്നിങ്ങനെ 100
മാർക്കിന്റെ ഒബ്ജക്ടീവ് ചോദ്യങ്ങളാണ് ഉണ്ടാകുക. ഇംഗ്ലിഷ്, ഹിന്ദി ഭാഷക
ളിലാണ് പരീക്ഷ. മാത്‍സ്, സയൻസ് വിഷയങ്ങളിൽ കൂടുതൽ മാർക്ക് കിട്ടിയ ഭാഷ എന്നിവയിലെ മൊത്തം മാർക്ക്
നോക്കിയാണ് റാങ്കിങ് നടക്കുക.