സ്കൂളുകളിൽ ഓണാഘോഷം തുടങ്ങി: ഇന്നുമുതൽ ഓണം അവധി

SUBSCRIBE OUR YOUTUBE CHANNEL https://youtube.com/c/SchoolVartha

JOIN OUR WHATSAPP GROUP https://chat.whatsapp.com/GI7mCYidGpOG8b8bsjnX37

തിരുവനന്തപുരം: സംസ്ഥാനത്തെ വിദ്യാലയങ്ങളിൽ ഓണാഘോഷങ്ങൾ പുരോഗമിക്കുന്നു. ഇന്നത്തെ ആഘോഷ പരിപാടികൾക്ക് ശേഷം ഓണം അവധിക്കായി സ്കൂളുകൾ അടയ്ക്കും. ഒന്നാംപാദ വാർഷിക പരീക്ഷകൾ ഇന്നലെ പൂർത്തിയായി. ഇന്നത്തെ ദിവസം ക്ലാസുകൾ ഇല്ല. സ്കൂളുകളിൽ പൂക്കള മത്സരം അടക്കമുള്ള വിവിധ പരിപാടികളാണ് സംഘടിപ്പിച്ചിട്ടുള്ളത്. ഓണാഘോഷത്തിന് തിരുവനന്തപുരം ജില്ലയിലെ മുള്ളറംകോട് ഗവർമെന്റ് എൽപി സ്കൂളിലെ രണ്ടാം ക്ലാസ്സുകാരുടെ ക്ഷണം സ്വീകരിച്ച് മന്ത്രി വി.ശിവൻകുട്ടി ഇന്ന് ഉച്ചയ്ക്ക് ഒരു മണിക്ക് സ്കൂളിൽ എത്തും.

ഓണസദ്യയും ഒരുക്കിയിട്ടുണ്ട്. ഈ വർഷം 9ദിവസമാണ് ഓണാഘോഷത്തിനായി സ്കൂളുകൾക്ക് അവധി നൽകിയിരിക്കുന്നത്.
ഇന്ന് അടയ്ക്കുന്ന സ്കൂളുകൾ സെപ്റ്റംബർ 12ന് തുറക്കും. കോവിഡ് വ്യാപനത്തെ തുടർന്ന് കഴിഞ്ഞ 2വർഷമായി വിദ്യാലയങ്ങൾ അടഞ്ഞു കിടന്നിരുന്നതിനാൽ നീണ്ട ഇടവേളയ്ക്ക് ശേഷമാണ് വിദ്യാലയങ്ങളിൽ ഓണാഘോഷവും അവധിയും വരുന്നത്.