ബിഎസ്എഫിൽ വിവിധ വിഭാഗങ്ങളിലായി 323 ഒഴിവുകൾ: അവസാന തീയതി സെപ്‌റ്റംബർ 6

SUBSCRIBE OUR YOUTUBE CHANNEL https://youtube.com/c/SchoolVartha

JOIN OUR WHATSAPP GROUP https://chat.whatsapp.com/IudqmDL1gDWB5Cvn85qQ5P

ന്യൂ ഡൽഹി : ബിഎസ്എഫ് ( ബോർഡർ സെക്യൂരിറ്റി ഫോഴ്സിൽ വിവിധ തസ്തികയിലായി 323 ഒഴിവുകളിലേക്ക് അപേക്ഷ ക്ഷണിച്ചു. ഹെഡ് കോൺസ്റ്റബിൾ എച്ച് സി മിനിസ്റ്റീരിയൽ, അസിസ്റ്റന്റ് സബ് ഇൻസ്പെക്ടർ എഎസ്ഐ സ്റ്റെനോ​ഗ്രാഫർ തസ്തികകളിലാണ് ഒഴിവുകൾ . താല്പര്യമുള്ള ഉദ്യോഗാർത്ഥികൾക്ക് https://rectt.bsf. gov.in/ എന്ന വെബ്‌സൈറ്റിൽ സെപ്‌റ്റംബർ 6 ന് മുൻപ് അപേക്ഷിക്കാം.

ഹെഡ് കോൺസ്റ്റബിൾ ( എച്ച് സി മിനിസ്റ്റീരിയൽ) 312 ഒഴിവുകളും അസിസ്റ്റന്റ് സബ് ഇൻസ്പെക്ടർ (എഎസ്ഐ സ്റ്റെനോ​ഗ്രാഫർ) 11 ഒഴികവുകളുമാണ് ഉള്ളത് .ഇന്ത്യയിലെ അംഗീകൃത ബോർഡിൽ 12 വിജയിച്ചവർക്ക് ഹെഡ് കോൺസ്റ്റബിൾ തസ്തികയിലേക്ക് അപേക്ഷിക്കാം. അസിസ്റ്റന്റ് സബ് ഇൻസ്പെക്ടർ തസ്തികയിലേക്ക് അപേക്ഷിക്കുന്നവർ ഷോർട്ട്‌ഹാൻഡ്/ടൈപ്പിംഗ് സ്‌കിൽ ടെസ്റ്റിനൊപ്പം അംഗീകൃത ബോർഡിൽ 10+2 ഇന്റർമീഡിയറ്റ് പരീക്ഷ പാസ്സായിരിക്കണം.

ജനറൽ, ഒബിസി, ഇഡ്ബ്ലിയു എസ് എന്നീ വിഭാ​ഗത്തിലുള്ളവർക്ക് 100 രൂപയാണ് അപേക്ഷ ഫീസ്. പട്ടിക ജാതി-വർഗ്ഗ വിഭാഗങ്ങൾക്കും,വിമുക്ത ഭടൻ എന്നിവർക്ക് അപേക്ഷ ഫീസില്ല. നെറ്റ് ബാങ്കിം​ഗ്, ക്രെഡിറ്റ്/ഡെബിറ്റ് കാർഡ്, ഇ ചെല്ലാൻ എന്നിവ ഉപയോ​ഗിച്ച് അപേക്ഷ ഫീസടക്കാം.എഴുത്തു പരീക്ഷ, സ്കിൽ ടെസ്റ്റ്, ഡോക്യമെന്റ് പരിശോധന, ശാരീരിക ക്ഷമത പരീക്ഷ, വിശദമായ മെഡിക്കൽ പരിശോധന എന്നിവയുടെ അടിസ്ഥാനത്തിലായിരിക്കും തെര‍ഞ്ഞെടുപ്പ്.