വിവിധ തസ്തികകളിലായി 630 ഒഴിവുകൾ: അപേക്ഷ ക്ഷണിച്ച് ഡിആർഡിഒ

Jul 5, 2022 at 10:14 pm

Follow us on

JOIN OUR WHATSAPP GROUP https://chat.whatsapp.com/GnI8Hht4huJCZPI8rISqz0

ന്യൂഡൽഹി: ഡിഫെൻസ് റിസർച്ച് ആൻഡ് ഡെവലപ്പ്മെന്റ് ഓർഗനൈസേഷൻ (ഡിആർഡിഒ) സയന്റിസ്റ്റ്, എൻജിനീയർ തസ്തികകളിലായുള്ള 630 ഒഴിവുകളിലേക്ക് അപേക്ഷ ക്ഷണിച്ചു. എൻജിനീയറിങ് ബിരുദക്കാർക്കും സയൻസ് വിഷയത്തിൽ ബിരുദാനന്തര ബിരുദം നേടിയവർക്കുമാണ് അവസരം. ഡി.ആർ.ഡി.ഒ- 579, ഡിപ്പാർട്ട്മെന്റ് ഓഫ് സയൻസ് ആൻഡ് ടെക്നോളജി (ഡി.എസ്.ടി)- 8, ഏറോനോട്ടിക്കൽ ഡെവലപ്മെന്റ് ഏജൻസി (എ.ഡി.എ)- 43 എന്നിങ്ങനെയാണ് ഒഴിവുകൾ.

പ്രായപരിധി: ഡി.ആർ.ഡി.ഒ- 28, ഡി.എസ്.ടി- 35, എ.ഡി.എ- 30 (അർഹരായവർക്ക് നിയമപ്രകാരമായ ഇളവുണ്ട്).

യോഗ്യത: ഫസ്റ്റ് ക്ലാസോടെയുള്ള മാസ്റ്റേഴ്സ് ബിരുദവും ഗേറ്റ് സ്കോറും ഉണ്ടാകണം.

ഒഴിവുകൾ

സയൻസ് വിഭാഗം: ഫിസിക്സ്, കെമിസ്ട്രി, മാത്തമാറ്റിക്സ്, മെറ്റീരിയൽ സയൻസ്, അറ്റ്മോസ്ഫിയറിക് സയൻസ്, മൈക്രോബയോളജി, ബയോ കെമിസ്ട്രി.

എൻജിനീയറിങ് വിഭാഗം: ഇലക്ട്രോണിക്സ് ആൻഡ് കമ്യൂണിക്കേഷൻ, മെക്കാനിക്കൽ, കമ്പ്യൂട്ടർ സയൻസ് ആൻഡ് എൻജിനീയറിങ്, ഇലക്ട്രിക്കൽ മെറ്റീരിയൽ സയൻസ് ആൻഡ് എൻജിനീയറിങ്/മെറ്റലർജിക്കൽ, കെമിക്കൽ എൻജിനീയറിങ്, ഏറോനോട്ടിക്കൽ, സിവിൽ, ഇൻസ്ട്രുമെന്റേഷൻ, നേവൽ ആർക്കിടെക്ചർ, എൻവയൺമെന്റൽ സയൻസ് ആൻഡ് എൻജിനീയറിങ്.

തിരഞ്ഞെടുപ്പ്: എഴുത്തുപരീക്ഷ, വ്യക്തിഗത അഭിമുഖം, ഗേറ്റ് സ്കോർ എന്നിവയെ അടിസ്ഥാനമാക്കി. ഒക്ടോബർ 22നായിരിക്കും പരീക്ഷ.

അപേക്ഷാ ഫീസ്: 100 രൂപ. വനിതകൾ, എസ്.സി/എസ്.ടി/പി.ഡബ്ല്യൂ.ഡി വിഭാഗക്കാർക്ക് ഫീസില്ല.

കൂടുതൽ വിവരങ്ങൾക്ക്: https://rac.gov.in, https://drdo.gov.in, https://ada.gov.in, https://dst.gov.in