\’തളിര്\’ സ്‌കോളർഷിപ്പ് വിതരണം വ്യാഴാഴ്ച; സംസ്ഥാന തല സ്കോളർഷിപ്പ് ആറ് വിദ്യാർത്ഥികൾക്ക്

JOIN OUR WHATSAPP GROUP https://chat.whatsapp.com/DWYZgC3xISkCKoxold7q7S

തിരുവനന്തപുരം: സംസ്ഥാന ബാലസാഹിത്യ ഇൻസ്റ്റിറ്റ്യൂട്ട് സംഘടിപ്പിച്ച തളിര് സ്‌കോളർഷിപ്പ് പരീക്ഷയുടെ സംസ്ഥാനതല വിജയികൾക്കുള്ള സ്‌കോളർഷിപ്പുകളുടെ വിതരണം വ്യാഴാഴ്ച നടക്കും. വിദ്യാഭ്യാസവകുപ്പു മന്ത്രി വി ശിവൻകുട്ടി സ്കോളർഷിപ്പുകൾ വിതരണം ചെയ്യും. രാവിലെ 11.30ന് തിരുവനന്തപുരം കോട്ടൺഹിൽ ഗവ. ഹയർസെക്കൻഡറി സ്‌കൂളിലാണ് ചടങ്ങ്. ബാലസാഹിത്യ

ഇൻസ്റ്റിറ്റ്യൂട്ട് ഡയറക്ടർ പള്ളിയറ ശ്രീധരൻ അദ്ധ്യക്ഷത വഹിക്കും. ഈ അധ്യയന വർഷത്തെ തളിര് സ്‌കോളർഷിപ്പ് രജിസ്‌ട്രേഷന്റെ ഉദ്ഘാടനം പൊതുവിദ്യാഭ്യാസ ഡയറക്ടർ ജീവൻ ബാബു നിർവഹിക്കും. കനറ ബാങ്ക് ജനറൽ മാനേജർ എസ് പ്രേംകുമാർ, ഡി.ഇ.ഒ ആർ.എസ് സുരേഷ്ബാബു, ബാലസാഹിത്യ ഇൻസ്റ്റിറ്റ്യൂട്ട് ഭരണസമിതി അംഗങ്ങളായ രാജേഷ് വള്ളിക്കോട്, ജി രാധാകൃഷ്ണൻ, കോട്ടൺഹിൽ ഗവ. ഹയർസെക്കൻഡറി സ്‌കൂൾ പ്രിൻസിപ്പൽ എച്ച്.എം എ വിൻസെന്റ, അഡീഷണൽ എച്ച്.എം വി രാജേഷ് ബാബു, പ്രിൻസിപ്പാൾ ഇൻ ചാർജ് ഇ.ആർ ഫാമില, എസ്.എം. സി ചെയർമാൻ ആർ പ്രദീപ് തുടങ്ങിയവർ പങ്കെടുക്കും. ആറ് കുട്ടികൾക്കാണ് സംസ്ഥാനതല സ്‌കോളർഷിപ്പ് സമ്മാനിക്കുക. ജൂനിയർ സീനിയർ തലങ്ങളിലായി 10000, 5000, 3000

എന്നിങ്ങനെയാണ് ഒന്നും രണ്ടും മൂന്നും സ്ഥാനക്കാർക്കുള്ള സ്‌കോളർഷിപ്പ് തുക. 2500ഓളം കുട്ടികൾക്ക് ജില്ലതല സ്‌കോളർഷിപ്പായി 16 ലക്ഷം രൂപ നേരത്തേ വിതരണം ചെയ്തിരുന്നു.

• എസ്എസ്എൽസി പരീക്ഷയുടെ മൂല്യ നിർണ്ണയതീയതി നീട്ടി ഉത്തരവിറങ്ങി
• സിബിഎസ്ഇ പത്താം ക്ലാസ്: മാർക്ക് മെച്ചപ്പെടുത്താനുള്ള രണ്ടാം പരീക്ഷയ്ക്ക് രജിസ്റ്റർ ചെയ്യാം
• ശാസ്ത്ര മാസികയ്ക്കും നൈപുണ്യ മേളയ്ക്കും പ്രത്യേകം ഗ്രേസ് മാർക്ക് അനുവദിച്ച് ഉത്തരവ്
• സെറ്റ് പരീക്ഷാഫലം:15.59 ശതമാനം വിജയം
• വിദ്യാർത്ഥികളുടെയും അധ്യാപകരുടെയും ശ്രദ്ധയ്ക്ക്: ഇന്നത്തെ പ്രധാന വിദ്യാഭ്യാസ വാർത്തകൾ