പത്താം ക്ലാസ് യോ​ഗ്യതാ പൊതു പ്രാഥമിക പരീക്ഷ എഴുതാനാകാത്തവർക്ക് അവസരം നൽകി പി.എസ്.സി: ജൂൺ 24 വരെ അപേക്ഷിക്കാം

JOIN OUR WHATSAPP GROUP https://chat.whatsapp.com/Ho35uvTwPSTE3q7pfeRNbY

തിരുവനന്തപുരം: 2022ൽ നടത്തിയ പത്താം ക്ലാസ് യോ​ഗ്യത പൊതു പ്രാഥമിക പരീക്ഷ എഴുതാനാകാത്ത ഉദ്യോഗാർത്ഥികൾക്ക് ഒരു അവസരം കൂടി നൽകി പബ്ലിക് സർവീസ് കമ്മീഷൻ. ആദ്യ അഞ്ച് ഘട്ടങ്ങളിൽ (2022 മെയ് 15, മെയ് 28, ജൂൺ 11, ജൂൺ 19, ജൂലൈ 2) നടത്തിയ പരീക്ഷ, ഒഴിവാക്കാനാകാത്ത കാരണങ്ങളാൽ എഴുതാനാകാത്തവർക്കാണ് അവസരം.

ഗവൺമെന്റ് അം​ഗീകൃത സ്ഥാപനങ്ങൾ, യൂണിവേഴ്സിറ്റി എന്നിവ നടത്തിയ പരീക്ഷ ഉണ്ടായിരുന്നവർ, അപകടം മൂലം ചികിത്സയിൽ കഴിയുന്നവർ, കൊവിഡ് ബാധിതർ, പരീക്ഷാ ദിവസം വിവാഹം, പ്രസവം തുടങ്ങിയ കാരണങ്ങളാൽ പരീക്ഷയെഴുതാൻ സാധിക്കാത്തവർ എന്നിവർ രേഖകൾ (അഡ്മിഷൻ ടിക്കറ്റുകൾ, മെഡിക്കൽ സർട്ടിഫിക്കറ്റ്, ട്രീറ്റ്മെന്റ് സർട്ടിഫിക്കറ്റുകൾ) സഹിതം ജൂൺ 24ന് മുമ്പ് അപേക്ഷ സമർപ്പിക്കണം.

അർഹതയുള്ളവർക്ക് ജൂലൈ 16ന് നടത്തുന്ന അവസാന ഘട്ട പരീക്ഷയെഴുതുവാൻ അവസരം നൽകുന്നതാണ്. ആറാം ഘട്ടത്തിന് ശേഷം പരീക്ഷ നടത്തുകയില്ല. മറ്റ് കാരണങ്ങളാൽ സമർപ്പിക്കുന്ന അപേക്ഷകൾ നിരസിക്കുന്നതായിരിക്കും.അപേക്ഷ അയയ്ക്കേണ്ട ഇ-മെയിൽ: jointce.psc@kerala.gov.in

കൂടുതൽ വിവരങ്ങൾക്ക്: 0471 2546260, 246

• വിദ്യാർത്ഥികളുടെ ശ്രദ്ധയ്ക്ക്: വിവിധ സ്കോളർഷിപ്പുകളുടെ അപേക്ഷ സമർപ്പണ സമയം നീട്ടി
• മിനിമം മാർക്ക് ഗുണം ചെയ്തോ?: വിദ്യാഭ്യാസ നിലവാരം ഉയർത്താൻ അടിയന്തര നടപടികൾ
• ആധാറിന് ഇനി പുതിയ ഔദ്യോഗിക ചിഹ്നം: രൂപകല്പന ചെയ്തത് തൃശൂർക്കാരൻ
• സ്‌കൂൾ ബാഗിന്റെ ഭാരം കുറയ്ക്കാനും’ബാക്ക് ബെഞ്ചേഴ്സ്’ ഇല്ലാത്ത ക്ലാസ് മുറികൾക്കും നടപടി; കരട് റിപ്പോർട്ടിന് അംഗീകാരം
• സ്കൂൾ തലത്തിൽ 5 ലക്ഷം രൂപ സമ്മാനവുമായി ചീഫ് മിനിസ്റ്റേഴ്സ് മെഗാ ക്വിസ്: വിശദ വിവരങ്ങൾ ഇതാ