Career News: ശ്രീ ശങ്കരാചാര്യ സംസ്കൃത സർവ്വകലാശാലയിൽ വിവിധ തസ്തികകളിൽ നിയമനം: ജൂൺ 28 വരെ അപേക്ഷിക്കാം

JOIN OUR WHATSAPP GROUP https://chat.whatsapp.com/Ho35uvTwPSTE3q7pfeRNbY

തൃശൂർ: കാലടിയിലെ ശ്രീ ശങ്കരാചാര്യ സംസ്കൃത സർവകലാശാലയിൽ വിവിധ തസ്തികകളിലായുള്ള 12 ഒഴിവിലേക്ക് ഇപ്പോൾ അപേക്ഷിക്കാം. പ്രോഗ്രാമർ (ഐ. ടി. വിഭാഗം)- 3, ജൂനിയർ പ്രോഗ്രാമർ- 4, ട്രെയിനി പ്രോഗ്രാമർ- 5 എന്നിങ്ങനെയാണ് ഒഴിവുകൾ. കരാർ വ്യവസ്ഥയിലാണ് നിയമനം. ഓൺലൈനായി അപേക്ഷ സമർപ്പിക്കുന്നതിനുള്ള അവസാന തീയതി ജൂൺ 28.

യോഗ്യതയും ശമ്പളവും

പ്രോഗ്രാമർ: അംഗീകൃത സർവകലാശാലയിൽ നിന്നുളള ബി.ഇ./ബി.ടെക്./എം.സി.എ./എം.എസ്‍സി. (കമ്പ്യൂട്ടർ സയൻസ്) ബിരുദം. ഒപ്പം ലിനക്സ് ഓപ്പറേറ്റിംഗ് സിസ്റ്റത്തിൽ പി.എച്ച്.പിയോടെയുളള കമ്പ്യൂട്ടർ പ്രോഗ്രാമിങ്ങിൽ അറിവുണ്ടായിരിക്കണം. ജാവ ഉൾപ്പെടെയുളള പ്രോഗ്രാമിങ് ലാങ്ഗ്വേജ്, ലറാവൽ വെബ് ആപ്ലിക്കേഷൻ ഫ്രെയിംവർക്ക് തുടങ്ങിയവയിലുളള അറിവ്, സിസിഎൻഎ സർട്ടിഫിക്കേഷൻ എന്നിവ അഭികാമ്യം. കുറഞ്ഞത് രണ്ട് വർഷത്തെ പ്രവൃത്തി പരിചയമുണ്ടായിരിക്കണം. ശമ്പളം: പ്രതിമാസം 30,000/- രൂപ.

ജൂനിയർ പ്രോഗ്രാമർ: അംഗീകൃത സർവകലാശാലയിൽ നിന്നുളള ബി.ഇ./ബി.ടെക്./എം.സി.എ./എം.എസ്‍സി. (കമ്പ്യൂട്ടർ സയൻസ്) ബിരുദം. ഒപ്പം ലിനക്സ് ഓപ്പറേറ്റിംഗ് സിസ്റ്റത്തിൽ പി.എച്ച്.പിയോടെയുളള കമ്പ്യൂട്ടർ പ്രോഗ്രാമിങ്ങിൽ അറിവുണ്ടായിരിക്കണം. ജാവ ഉൾപ്പെടെയുളള പ്രോഗ്രാമിങ് ലാങ്ഗ്വേജ്, ലറാവൽ വെബ് ആപ്ലിക്കേഷൻ ഫ്രെയിംവർക്ക് തുടങ്ങിയവയിലുളള അറിവ്, സിസിഎൻഎ സർട്ടിഫിക്കേഷൻ എന്നിവ അഭികാമ്യം. കുറഞ്ഞത് ഒരു വർഷത്തെ പ്രവൃത്തി പരിചയമുണ്ടായിരിക്കണം. ശമ്പളം: പ്രതിമാസം 21,420 /- രൂപ.

ട്രെയിനി പ്രോഗ്രാമർ: അംഗീകൃത സർവകലാശാലയിൽ നിന്നുളള ബി.ഇ./ബി.ടെക്. ബിരുദം. ജാവ, പി.എച്ച്.പി. ഫ്രെയിംവർക്കിൽ പ്രവൃത്തി പരിചയമുണ്ടായിരിക്കണം. ഉദ്യോഗാർത്ഥികൾ ബിരുദം നേടി നാല് വർഷം കഴിഞ്ഞവരാകരുത്. ശമ്പളം: പ്രതിമാസം 10,000 /- രൂപ.

പ്രായപരിധി: നിലവിലുളള സർക്കാർ നിബന്ധനകൾ പ്രകാരം.

കൂടുതൽ വിവരങ്ങൾക്കും അപേക്ഷ സമർപ്പിക്കുന്നതിനും: https://ssus.ac.in

• മുഹറം അവധി ഞായറാഴ്ച്ച തന്നെ: തിങ്കൾ അവധി നൽകണമെന്ന് ആവശ്യം
• എംടിഎസ്, ഹവിൽദാർ തസ്തികകളിൽ നിയമനം: അപേക്ഷ 24വരെ
• ഓണം അവധി ഓഗസ്റ്റ് 29മുതൽ: ഈ വർഷത്തെ അവധികൾ പ്രഖ്യാപിച്ചു
• ഈ അധ്യയന വർഷത്തെ പരീക്ഷാ തീയതികൾ പ്രഖ്യാപിച്ചു: വിശദ വിവരങ്ങൾ ഇതാ
• പ്രധാനമന്ത്രി രാഷ്ട്രീയ ബാല്‍ പുരസ്‌ക്കാരം: അപേക്ഷ 17വരെ