വിരമിച്ച ബാങ്ക് ഉദ്യോഗസ്ഥർക്കവസരമൊരുക്കി സ്റ്റേറ്റ് ബാങ്ക് ഓഫ് ഇന്ത്യ: ജൂൺ 30 വരെ അപേക്ഷിക്കാം

Jun 17, 2022 at 2:02 pm

Follow us on

JOIN OUR WHATSAPP GROUP https://chat.whatsapp.com/Ho35uvTwPSTE3q7pfeRNbY

ന്യൂഡൽഹി: സ്റ്റേറ്റ് ബാങ്ക് ഓഫ് ഇന്ത്യയിൽ വിവിധ തസ്തികകളിലായുള്ള 211 ഒഴിവുകളിലേക്ക് ഇപ്പോൾ അപേക്ഷിക്കാം. ജോലിയിൽ നിന്ന് വിരമിച്ച ബാങ്ക് ഉദ്യോഗസ്ഥർക്കാണ് അവസരം. ഓൺലൈനായി അപേക്ഷ സമർപ്പിക്കുന്നതിനുളള അവസാന തീയതി ജൂൺ 30. 207 എഫ്.എൽ.സി. കൗൺസിലേഴ്സ്, 4 എഫ്.എൽ.സി. ഡയറക്ടേഴ്സ് എന്നിങ്ങനെയാണ് ഒഴിവുകൾ.

പ്രായപരിധി: 60 മുതൽ 63 വയസ്സ് വരെ. (2022 ജൂൺ 15 കണക്കാക്കിയാണ് പ്രായം നിശ്ചയിക്കുന്നത്.)

യോഗ്യത: ധനകാര്യ സ്ഥാപനങ്ങളുമായി ബന്ധപ്പെട്ട എല്ലാ വിഷയങ്ങളിലും പൊതുജനങ്ങൾക്ക് ആവശ്യമായ നിർദ്ദേശങ്ങൾ നൽകാൻ കഴിവുള്ളവരായിരിക്കണം. ഒപ്പം പ്രാദേശിക ഭാഷയിൽ മികച്ച പ്രാവീണ്യവും കംപ്യൂട്ടർ പരിജ്ഞാനവും അഭികാമ്യം.

തിരഞ്ഞെടുപ്പ്: ചുരുക്കപ്പട്ടികയുടെയും അഭിമുഖത്തിന്റെയും അടിസ്ഥാനത്തിൽ. അഭിമുഖത്തിനുള്ള കോൾ ലെറ്റർ ഇമെയിൽ വഴി അയക്കുകയോ ബാങ്ക് വെബ്സൈറ്റിൽ പ്രസിദ്ധപ്പെടുത്തുകയോ ചെയ്യും.

കൂടുതൽ വിവരങ്ങൾക്കും അപേക്ഷ സമർപ്പിക്കുന്നതിനും: https://sbi.co.in