editorial@schoolvartha.com | markeiting@schoolvartha.com
വിദ്യഭ്യാസ വാർത്തകൾ
Google Play School Vartha
പ്രധാന വാർത്തകൾ
ഹൈടെക് ക്ലാസ്മുറികൾ ആകർഷകമാക്കാൻ ഇനി ‘കൈറ്റ് ബോർഡും’: പഠനം സുഗമമാക്കാൻ പുതിയ സംവിധാനംഒരേസമയം ഇരട്ട ബിരുദപഠനം: ഈവർഷം മുതൽ ആരംഭിക്കാൻ യുജിസി നിർദേശംSET- സ്റ്റേറ്റ് എലിജിബിലിറ്റി ടെസ്റ്റ് അപേക്ഷ ഇന്നുമുതൽപ്രൈവറ്റ് രജിസ്ട്രേഷൻ അസൈൻമെന്റ്,പിഎച്ച്ഡി പ്രവേശനം, റിഫ്രഷർ കോഴ്സ്: കണ്ണൂർ സർവകലാശാല വാർത്തകൾTATA, HCL റിക്രൂട്ട് -ട്രെയിൻ ആൻഡ് ഡിപ്ലോയ് പ്രോഗ്രാം: പ്ലസ്ടു പാസ്സായവർക്ക് അവസരംസംസ്ഥാന സ്കൂൾ കലോത്സവം മാന്വൽ പ്രകാരം നടക്കും: പൊതുവിദ്യാഭ്യാസ ഡയറക്ടർദേശീയഉദ്യാനങ്ങൾ, വന്യജീവി സങ്കേതങ്ങൾ എന്നിവയിൽ പ്രവേശനം സൗജന്യംപരീക്ഷകൾ മാറ്റി, പരീക്ഷാഫലം, പ്രവേശനം മാറ്റി: കേരള സർവകലാശാല വാർത്തകൾഅവധി, പരീക്ഷാ ഫലങ്ങൾ, പിജി പ്രവേശനം: ഇന്നത്തെ കാലിക്കറ്റ്‌ സർവകലാശാല വാർത്തകൾപരീക്ഷകൾ മാറ്റി, യോഗ പിജി ഡിപ്ലോമ, പരീക്ഷകൾ, പരീക്ഷാഫലങ്ങൾ: എംജി സർവകലാശാല വാർത്തകൾ  

ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിൽ മാത്തമാറ്റിക്സ് ആൻഡ് കംപ്യൂട്ടിങ് ബി.ടെക്: പ്രവേശനം ജെ.ഇ.ഇ. 2022 വഴി

Published on : June 15 - 2022 | 12:35 am

JOIN OUR WHATSAPP GROUP https://chat.whatsapp.com/Ho35uvTwPSTE3q7pfeRNbY

ബെംഗളൂരു: ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിൽ (ഐ.ഐ.എസ്‌സി.) 2022-’23 അധ്യയന വർഷത്തിൽ തുടങ്ങുന്ന മാത്തമാറ്റിക്സ് ആൻഡ് കംപ്യൂട്ടിങ് ബി.ടെക്. പ്രോഗ്രാം പ്രവേശനത്തിന് ഇപ്പോൾ അപേക്ഷിക്കാം. നാലുവർഷ കോഴ്‌സാണിത്. യുജി തലത്തിൽ സയൻസ് മേഖലയിലെ ഗവേഷണാധിഷ്ഠിത പ്രോഗ്രാമുകൾ നടത്തിവരുന്ന സ്ഥാപനമാണ് ഐ.ഐ.എസ്‌സി. ഓൺലൈനായി അപേക്ഷ സമർപ്പിക്കേണ്ട അവസാനതീയതി ഓഗസ്റ്റ് 30.

യോഗ്യത: ഫിസിക്സ്, കെമിസ്ട്രി, മാത്തമാറ്റിക്സ്, ഒരു ഭാഷാവിഷയം, ഇവ നാലുമല്ലാത്ത ഒരു വിഷയം എന്നിവ പഠിച്ച് പ്ലസ് ടു/തത്തുല്യ പരീക്ഷ ജയിച്ചിരിക്കണം.

തിരഞ്ഞെടുപ്പ്: 2022-ലെ ജോയൻറ് എൻട്രൻസ് എക്സാമിനേഷൻ (ജെ.ഇ.ഇ.) അഡ്വാൻസ്ഡ് റാങ്ക് പരിഗണിച്ചായിരിക്കും തിരഞ്ഞെടുപ്പ്.

അപേക്ഷിക്കേണ്ട വിധം: ഐ.ഐ.എസ്‌സി. അഡ്മിഷൻ പോർട്ടൽ വഴിയാണ് അപേക്ഷ സമർപ്പിക്കേണ്ടത്. ജെ.ഇ.ഇ. അഡ്വാൻസ്ഡ് റാങ്ക് പ്രഖ്യാപനം വന്ന് 48 മണിക്കൂറുകൾക്കകം, അപേക്ഷകർ അഡ്മിഷൻ പേജിൽ ലോഗിൻചെയ്ത്, അവരുടെ അപേക്ഷ അപ്‌ഡേറ്റ് ചെയ്തിരിക്കണം.

അപ്ലൈഡ് മാത്തമാറ്റിക്സ്

വിവരങ്ങൾ കൈകാര്യംചെയ്യാൻ വേണ്ട ഉയർന്നതലങ്ങളിലുള്ള കംപ്യൂട്ടേഷണൽ, മാത്തമാറ്റിക്കൽ, ഡേറ്റാ അനലറ്റിക്സ് നൈപുണികൾ, വിവരങ്ങളുടെ ജനറേഷൻ, സ്റ്റോറേജ്, ഡിസ്ട്രിബ്യൂഷൻ, യൂട്ടിലൈസേഷൻ തുടങ്ങിയവയുടെ പഠനങ്ങൾ ഉൾപ്പെടുന്ന അപ്ലൈഡ് മാത്തമാറ്റിക്സ് മേഖലയുടെ പ്രാധാന്യം പരിഗണിച്ചാണ് പ്രോഗ്രാം ആരംഭിക്കുന്നത്. മാത്തമാറ്റിക്സ് ആൻഡ് കംപ്യൂട്ടിങ് കോഴ്‌സുകൾ കൂടാതെ സയൻസ്, ഹ്യുമാനിറ്റീസ്, എൻജിനിയറിങ് കോഴ്സുകൾ പാഠ്യപദ്ധതിയിലുണ്ടാകും. മാത്തമാറ്റിക്സ്സ്, ആർട്ടിഫിഷ്യൽ ഇൻറലിജൻസ് ആൻഡ് മെഷീൻ ലേണിങ്, കംപ്യൂട്ടേഷണൽ സയൻസ്, തിയേററ്റിക്കൽ കംപ്യൂട്ടർ സയൻസ്, ക്വാണ്ടം കംപ്യൂട്ടിങ്, സിഗ്നൽ പ്രോസസിങ്, കംപ്യൂട്ടേഷണൽ ബയോളജി, മാത്തമാറ്റിക്കൽ ഫൈനാൻസ് തുടങ്ങിയ സ്റ്റഡിട്രാക്കുകൾ പ്രോഗ്രാമിലുണ്ടാകും.

നിശ്ചിത സി.ജി.പി.എ., കോഴ്സ് ക്രഡിറ്റുകൾ, പ്രോജക്ട് ആവശ്യകതകൾ എന്നിവയോടെ നാലുവർഷ കോഴ്സ് വിജയകരമായി പൂർത്തിയാക്കുന്നവർക്ക് പഠനം ഒരു വർഷംകൂടി തുടർന്ന് എം.ടെക്. ബിരുദം നേടാനുള്ള അവസരമുണ്ട്. മൊത്തം 52 പേർക്കാണ് പ്രവേശനം. ഇതിൽ എട്ട് സീറ്റ് പെൺകുട്ടികൾക്കും നാലെണ്ണം വിദേശികൾ/എൻ.ആർ.ഐ./ഒ.സി.ഐ. വിഭാഗങ്ങൾക്കുമാണ്.

കോഴ്സ് ഫീസ്: പ്രതിവർഷ ട്യൂഷൻ ഫീസ് രണ്ടുലക്ഷം രൂപയാണ്. പട്ടികവിഭാഗക്കാർ ട്യൂഷൻഫീസ് നൽകേണ്ടതില്ല.

കൂടുതൽ വിവരങ്ങൾക്കും അപേക്ഷ സമർപ്പിക്കുന്നതിനും: https://admissions-august.iisc.ac.in/

0 Comments

Related News