JOIN OUR WHATSAPP GROUP https://chat.whatsapp.com/Ho35uvTwPSTE3q7pfeRNbY

ന്യൂഡൽഹി: ഇന്ത്യൻ ആർമിയിൽ വാഷർമാൻ, ട്രേഡ്സ്മാൻ തസ്തികകളിലായുള്ള 65 ഒഴിവുകളിലേക്ക് ഇപ്പോൾ അപേക്ഷിക്കാം. പത്താം ക്ലാസ് യോഗ്യതയുള്ളവർക്കാണ് അവസരം. വിജ്ഞാപനം പുറപ്പെടുവിച്ച് 45 ദിവസത്തിനുള്ളിൽ ഓഫ്‍ലൈനായി അപേക്ഷിക്കണം.

യോഗ്യത

വാഷർമാൻ: മെട്രിക്കുലേഷനോ തത്തുല്യ യോ​ഗ്യതയോ ഉണ്ടായിരിക്കണം.

ട്രേഡ്സ്മാൻ മേറ്റ്: അംഗീകൃത ബോർഡിൽ നിന്നുള്ള മെട്രിക്കുലേഷൻ പാസ് അല്ലെങ്കിൽ തത്തുല്യം.

പ്രായപരിധി: 18 മുതൽ 25 വരെ.

അപേക്ഷാ ഫീസ്: 100 രൂപ.

അപേക്ഷിക്കേണ്ട വിധം: ഓരോ തസ്തികയിലേക്കും വ്യത്യസ്ത അപേക്ഷകളാണ് അയക്കേണ്ടത്. ഇം​ഗ്ലീഷിലോ ഹിന്ദിയിലോ അപേക്ഷകൾ പൂരിപ്പിച്ച് രജിസ്റ്റേർഡ് പോസ്റ്റ് അല്ലെങ്കിൽ സ്പീഡ് പോസ്റ്റ് ആയിട്ട് വേണം അപേക്ഷ സമർപ്പിക്കാൻ. അപേക്ഷ അയക്കുന്ന കവറിന്റെ പുറത്ത് ഏത് തസ്തികയിലേക്കുള്ള അപേക്ഷയാണെന്ന് കൃത്യമായി എഴുതിയിരിക്കണം. സംവരണ വിഭാ​ഗത്തിൽ ഉൾപ്പെട്ട ഉദ്യോ​ഗാർത്ഥികൾ അക്കാര്യവും കവറിൽ ഇടതുഭാ​ഗത്തായി വ്യക്തമാക്കണം.

വിലാസം: ദ കമാൻഡന്റ്, മിലിറ്ററി ഹോസ്പിറ്റൽ, ഡിഫെൻസ് കോളനി റോഡ്, ചെന്നൈ, തമിഴ്നാട്, Pin: 600032