മികച്ച ശമ്പളത്തിൽ വ്യോമസേനയിൽ കമ്മിഷൻഡ് ഓഫിസറാകാം

JOIN OUR WHATSAPP GROUP https://chat.whatsapp.com/Fub3n2XSsER2apt6xrU51O

ന്യൂഡൽഹി: വ്യോമസേനയുടെ ഫ്ലയിങ്, ഗ്രൗണ്ട് ഡ്യൂട്ടി (ടെക്നിക്കൽ, നോൺ ടെക്നിക്കൽ), മീറ്റിയറോളജി ബ്രാഞ്ചുകളിൽ കമ്മിഷൻഡ് ഓഫിസർ തസ്തികയിലേക്കുള്ള ഒഴിവുകളിലേക്ക് ഇപ്പോൾ അപേക്ഷിക്കാം. AFCAT എൻട്രി (AFCAT- 02/2022), എൻസിസി സ്പെഷൽ എൻട്രി, മീറ്റിയറോളജി എൻട്രി എന്നിവയിലൂടെയാണു പ്രവേശനം. വനിതകൾക്കും അപേക്ഷിക്കാം. ഓൺലൈനായി അപേക്ഷ സമർപ്പിക്കുന്നതിനുള്ള അവസാന തീയതി ജൂൺ 30.

ശമ്പളം (ഫ്ലയിങ് ഓഫിസർ): 56,100–1,77,500.  പരിശീലനസമയത്തു ഫ്ലൈറ്റ് കേഡറ്റുകൾക്ക് 56,100 രൂപ സ്റ്റൈപൻഡ് ലഭിക്കും.

പ്രായപരിധി: ഫ്ലയിങ് ബ്രാഞ്ച്- 20 മുതൽ 24 വയസ്സ് വരെ (01.07.2023 അടിസ്ഥാനമാക്കി). 1999 ജൂലൈ രണ്ടിനും 2003 ജൂലൈ ഒന്നിനും മധ്യേ ജനിച്ചവരാകണം (രണ്ടു തീയതിയും ഉൾപ്പെടെ).

പരിശീലനം: 2023 ജൂലൈയിൽ ഹൈദരാബാദിൽ ആരംഭിക്കും. ഫ്ലയിങ്, ഗ്രൗണ്ട് ഡ്യൂട്ടി ടെക്‌നിക്കൽ ബ്രാഞ്ചിന് 74 ആഴ്‌ചയും ഗ്രൗണ്ട് ഡ്യൂട്ടി നോൺ ടെക്നിക്കൽ ബ്രാഞ്ചിന് 52 ആഴ്‌ചയുമാണു പരിശീലനം.

അപേക്ഷാ ഫീസ്: 250 രൂപ (എൻസിസി സ്പെഷൽ എൻട്രി, മീറ്റിയറോളജി എൻട്രികളിലേക്കു ഫീസില്ല).

വിശദ വിവരങ്ങളുൽപ്പെട്ട വിജ്ഞാപനം https://careerindianairforce.cdac.in, https://afcat.cdac.in എന്നീ സൈറ്റുകളിൽ പ്രസിദ്ധീകരിക്കും. ഇതു സംബന്ധിച്ച പ്രാഥമിക വിവരങ്ങൾ അറിയാൻ കേന്ദ്ര സർക്കാർ പ്രസിദ്ധീകരണമായ ‘എംപ്ലോയ്മെന്റ് ന്യൂസി’ന്റെ മേയ് 28–ജൂൺ 3 ലക്കം കാണുക.

• പ്ലസ് വൺ രണ്ടാം സപ്ലിമെന്ററി അലോട്മെന്റ് ഫലം ഇന്ന് രാത്രി: പ്രവേശനം നാളെ മുതൽ
• വിവിധ തസ്തികകളിലെ പി.എസ്.സി. നിയമനം: അപേക്ഷ 14വരെ
• ഇന്ത്യൻ നാവികസേനയിൽ വിവിധ തസ്തികളിൽ നിയമനം: 741 ഒഴിവുകൾ
• എൽഎസ്എസ് – യുഎസ്എസ് സ്കോളർഷിപ്പ് കുടിശിക 27.61 കോടി അനുവദിച്ചു: മന്ത്രി വി ശിവൻകുട്ടി
• പ്ലസ് വൺ രണ്ടാം സപ്ലിമെന്ററി അലോട്ട്മെന്റ്: 23ന് വൈകിട്ട് 5വരെ അപേക്ഷ പുതുക്കാം