ഇൻഡോർ ഐ.ഐ.എമ്മിൽ ഇൻറഗ്രേറ്റഡ് പ്രോഗ്രാം ഇൻ മാനേജ്മെന്റ് പ്രവേശനം: മേയ് 21 വരെ അപേക്ഷിക്കാം

May 13, 2022 at 7:25 pm

Follow us on

JOIN OUR WHATS APP GROUP https://chat.whatsapp.com/BpeI9aAv1FR0J8PcNgpFyt

മധ്യപ്രദേശ്: ഇൻഡോർ ഐ.ഐ.എമ്മിൽ ഇന്റഗ്രേറ്റഡ് പ്രോഗ്രാം ഇൻ മാനേജ്മെൻറ് (ഐ.പി.എം.) പ്രവേശനത്തിനായി ഇപ്പോൾ അപേക്ഷിക്കാം. അഞ്ചുവർഷ ദൈർഘ്യമുള്ള ഡ്യുവൽ ഡിഗ്രി പ്രോഗ്രാമാണിത്. വിജയകരമായി പൂർത്തിയാക്കുന്നവർക്ക് ബാച്ച്‌ലർ ഓഫ് ആർട്സ് (ഫൗണ്ടേഷൻസ് ഓഫ് മാനേജ്മെൻറ്), മാസ്റ്റർ ഓഫ് ബിസിനസ് അഡ്മിനിസ്ട്രേഷൻ ബിരുദങ്ങൾ ലഭിക്കും. ഓൺലൈനായി അപേക്ഷ സമർപ്പിക്കുന്നതിനുള്ള അവസാന തീയതി മെയ് 21 ആണ്. 150 പേർക്കാണ് പ്രവേശനം.

പ്രായപരിധി: 1.8.2002-നോ അതിനു ശേഷമോ ജനിച്ചവരാവണം.

യോഗ്യത: പ്ലസ്ടു പരീക്ഷ 2020-ലോ 2021-ലോ ജയിച്ചവരോ 2022-ൽ അഭിമുഖീകരിക്കുന്നവരോ ആവണം. പത്താംക്ലാസ് പരീക്ഷ 2019-ലോ മുമ്പോ ജയിച്ചവർക്ക് അതിൽ 60 ശതമാനം മാർക്കുവേണം. 2020-ൽ പത്താംക്ലാസ് ജയിച്ചവർക്ക് പാസ്‌മാർക്ക് മതി. പന്ത്രണ്ടാംക്ലാസ്/ഹയർസെക്കൻഡറി/തുല്യ പരീക്ഷയിൽ മാർക്ക് നിബന്ധന ഇല്ല.

ജൂലായ് രണ്ടിനാണ് ആപ്റ്റിറ്റ്യൂഡ് ടെസ്റ്റ്. ചോദ്യങ്ങൾ ക്വാണ്ടിറ്റേറ്റീവ് എബിലിറ്റി (മൾട്ടിപ്പിൾ ചോയ്സ്) എന്നിവയിൽനിന്നുമായിരിക്കും. പേഴ്സണൽ ഇൻറർവ്യൂവും ഉണ്ടാകും.

വിശദാംശങ്ങളും മുൻവർഷങ്ങളിലെ ചോദ്യപ്പേപ്പറുകളും ലഭിക്കുന്നതിനും അപേക്ഷിക്കുന്നതിനും https://iimidr.ac.in സന്ദർശിക്കുക.

\"\"

Follow us on

Related News