പ്ലസ്ടു മൂല്യനിർണ്ണയം നാളെ പുനരാരംഭിക്കും: പുതിയ ഉത്തര സൂചിക ഔദ്യോഗിക പോർട്ടലിൽ

JOIN OUR WHATS APP GROUP https://chat.whatsapp.com/BgCqemi9LED6IajnbZJh7s

തിരുവനന്തപുരം: രണ്ടാംവർഷ ഹയർ സെക്കന്ററി പരീക്ഷാ മൂല്യനിർണ്ണയ ക്യാമ്പുകൾ നാളെ (മെയ്‌ 4) മുതൽ
പുനരാരംഭിക്കും. നിശ്ചയിക്കപ്പെട്ട എല്ലാ അധ്യാപകരും മൂല്യനിർണ്ണയ ക്യാമ്പിൽ
എത്തിച്ചേരണമെന്ന് ബോർഡ്‌ ഓഫ് ഹയർ സെക്കൻഡറി എക്സാമിനേഷൻസ് സെക്രട്ടറി അറിയിച്ചു. കെമിസ്ട്രി മൂല്യനിർണ്ണയത്തിനായി സർക്കാർ ഉത്തരവ് പ്രകാരം തയ്യാറാക്കിയ പുതുക്കിയ ഉത്തര
സൂചിക ഔദ്യോഗിക പോർട്ടലിൽ പ്രസിദ്ധീകരിച്ചിട്ടുണ്ട്. പുതുക്കിയ ഉത്തര സൂചിക പ്രകാരമാണ് കെമിസ്ട്രി മൂല്യനിർണ്ണയം നടത്തുക. നാളെ രാവിലത്തെ സെഷൻ പുതിയ ഉത്തരസൂചിക പരിചയപ്പെടുന്നതിനായി വിനിയോഗിക്കും.

നിലവിൽ ഒന്നാം മൂല്യനിർണ്ണയം നടത്തിയ കെമിസ്ട്രി ഉത്തരപേപ്പറുകളുടെകാര്യത്തിൽ
സ്വീകരിക്കേണ്ട നടപടികളെ സംബന്ധിച്ച് വിശദമായ സർക്കുലർ പിന്നീട് നൽകുന്നതാണ്. ക്യാമ്പ് കോർഡിനേറ്റർമാർ ക്യാമ്പുകൾ സുഗമമായി നടത്തുന്നതിനുള്ള നടപടികൾ കൈക്കൊള്ളണ്ടതാണ്.