മൂല്യനിർണ്ണയം കൃത്യസമയത്ത് പൂർത്തിയാക്കണമെന്ന് പൊതുവിദ്യാഭ്യാസ ഡയറക്ടർ: അധ്യാപകർ നിർബന്ധമായും ക്യാമ്പിൽ പങ്കെടുക്കണം

തിരുവനന്തപുരം: ഹയർ സെക്കൻഡറി ബോർഡിന് വേണ്ടി അംഗീകരിച്ചതും പോർട്ടലിൽ പ്രസിദ്ധീകരിച്ചതുമായ ഉത്തരസൂചിക പ്രകാരം അതത് അധ്യാപകർ സമയബന്ധിതമായി പ്ലസ് ടു മൂല്യനിർണ്ണയം നടത്തണമെന്ന് പൊതുവിദ്യാഭ്യാസ ഡയറക്ടറുടെ നിർദേശം . പരീക്ഷാഫലം
പ്രഖ്യാപിക്കുന്നതിന് മൂല്യനിർണ്ണയം അടിയന്തിരമായി പൂർത്തിയാക്കേ
ണ്ടതുണ്ട്. ആയതിനാൽ അധ്യാപകർ തങ്ങളുടെ പരീക്ഷാ ജോലികൾ
സമയബന്ധിതമായി പൂർത്തിയാക്കണം. ഈ വിഷയത്തിൽ രക്ഷിതാക്കൾക്കോ വിദ്യാർത്ഥികൾക്കോ യാതൊരു ആശങ്കയും ഉണ്ടാകേണ്ടതിതില്ലെന്നും ഡിജിഇ അറിയിച്ചു. മൂല്യനിർണ്ണയ ജോലികൾക്ക്
നിയോഗിക്കപ്പെട്ട അധ്യാപകർ നിർബന്ധമായും മൂല്യനിർണ്ണയ ക്യാമ്പിൽ
പങ്കെടുക്കുകയും മൂല്യനിർണ്ണയ പ്രവർത്തനങ്ങളിൽ ഏർപ്പെടുകയും
ചെയ്യേണ്ടതാണെന്നും ഉത്തരവിൽ പറയുന്നു. ഉത്തര സൂചികയിൽ അപാകതയുണ്ടെന്ന കാരണം ചൂണ്ടിക്കാട്ടി ചില ജില്ലകളിൽ അധ്യാപകർ ഇന്നലെ മൂല്യനിർണ്ണയം ബഹിഷ്‌ക്കരിച്ചിരുന്നു. ഈ സാഹചര്യത്തിലാണ് ഡിജിഇയുടെ ഉത്തരവ്.

• എസ്എസ്എൽസി പരീക്ഷയുടെ മൂല്യ നിർണ്ണയതീയതി നീട്ടി ഉത്തരവിറങ്ങി
• സിബിഎസ്ഇ പത്താം ക്ലാസ്: മാർക്ക് മെച്ചപ്പെടുത്താനുള്ള രണ്ടാം പരീക്ഷയ്ക്ക് രജിസ്റ്റർ ചെയ്യാം
• ശാസ്ത്ര മാസികയ്ക്കും നൈപുണ്യ മേളയ്ക്കും പ്രത്യേകം ഗ്രേസ് മാർക്ക് അനുവദിച്ച് ഉത്തരവ്
• സെറ്റ് പരീക്ഷാഫലം:15.59 ശതമാനം വിജയം
• വിദ്യാർത്ഥികളുടെയും അധ്യാപകരുടെയും ശ്രദ്ധയ്ക്ക്: ഇന്നത്തെ പ്രധാന വിദ്യാഭ്യാസ വാർത്തകൾ