JOIN OUR WHATS APP GROUP https://chat.whatsapp.com/FyyfPtfe7UH0SaSpt5RgSW
ന്യൂഡല്‍ഹി: യൂണിവേഴ്‌സിറ്റികളുടെ ബിരുദ ദാനം അനന്തമായി വൈകുന്നതിനെതിരെ നടപടിയുമായി യു.ജി.സി രംഗത്ത്. ഇനി പരീക്ഷകളുടെ ഫല പ്രഖ്യാപനം കഴിഞ്ഞാല്‍ ആറു മാസത്തിനകം ബിരുദ ദാനം നടത്തണമെന്ന് യു.ജി.സി നിര്‍ദേശം നല്‍കി.
സര്‍വകലാശാലകള്‍ക്കും ഉന്നതവിദ്യാഭ്യാസ സ്ഥാപനങ്ങള്‍ക്കുമാണ് യു.ജി.സി കര്‍ശനനിര്‍ദേശം നല്‍കിയിരിക്കുന്നത്.
![\"\"](\"https://schoolvartha.com/wp-content/uploads/2022/04/FB_IMG_1647572254069-1024x1024.jpg\")
അവസാനവര്‍ഷ മാര്‍ക്ക് ലിസ്റ്റിനൊപ്പം പ്രൊവിഷണല്‍ ഡിഗ്രി സര്‍ട്ടിഫിക്കറ്റും നല്‍കണമെന്നും യു.ജി.സിയുടെ പുതിയ നിര്‍ദേശമുണ്ട്. ഫലം പുറത്ത് വിട്ടാലും പല യൂണിവേഴ്‌സിറ്റികളിലും തുടര്‍ നടപടികള്‍ക്ക് വലിയ കാലതാമസം നേരിടാറുണ്ട്. ഈ അവസ്ഥക്ക് യു.ജി.സിയുടെ പുതിയ ഇടപെടലോടെ അറുതിയാവും. ബിരുദ സര്‍ട്ടിഫിക്കറ്റ്, മാര്‍ക്ക് ഷീറ്റ് തുടങ്ങിയ രേഖകള്‍ ലഭിക്കാനുണ്ടാവുന്ന കാലതാമസം തുടര്‍പഠനം, ജോലി തേടല്‍ തുടങ്ങിയവയെ സാരമായി ബാധിക്കാറുണ്ട്. വര്‍ഷങ്ങളായി ഇതു സംബന്ധിച്ച ആക്ഷേപങ്ങള്‍ വിദ്യാര്‍ത്ഥി സംഘടനകള്‍ ഉന്നയിക്കുന്നു.
