JOIN OUR WHATS APP GROUP https://chat.whatsapp.com/FyyfPtfe7UH0SaSpt5RgSW

ന്യൂഡൽഹി: സി.ഐ.എസ്.എഫിൽ (സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്‌സ്) സ്പോർട്സ് ക്വാട്ടയിലുള്ള 249 ഒഴിവുകളിലേക്ക് ഇപ്പോൾ അപേക്ഷിക്കാം. ഹെഡ് കോൺസ്റ്റബിൾ (ജനറൽ ഡ്യൂട്ടി) പോസ്റ്റിലാണ് ഒഴിവുള്ളത്. മാർച്ച്‌ 31 വരെ അപേക്ഷ സമർപ്പിക്കാം. ദേശീയ, സംസ്ഥാനതലത്തിൽ മികവ് തെളിയിച്ച കായിക താരങ്ങൾക്കാണ് അവസരം. ശമ്പളം 25500 – 81100

യോഗ്യത: വ്യക്തിഗത, ടീം ഇനങ്ങളിൽ രാജ്യാന്തര ടൂർണമെന്റിൽ സീനിയർ,ജൂനിയർ തലത്തിൽ രാജ്യത്തെ പ്രതിനിധീകരിച്ചിരിക്കണം. അല്ലെങ്കിൽ സീനിയർ/ജൂനിയർ നാഷണൽ ഗെയിംസ്, ചാമ്പ്യൻഷിപ്പിൽ മെഡലോ സംസ്ഥാനത്തെ പ്രതിനിധീകരിച്ചവരോ ആകണം. അല്ലെങ്കിൽ ദേശീയ ഇന്റർ യൂണിവേഴ്സിറ്റി ചാമ്പ്യൻഷിപ്പിൽ മെഡലോ ദേശീയ സ്കൂൾ ഗെയിംസ്/ചാമ്പ്യൻഷിപ്പിൽ സ്വർണ മെഡലോ നേടിയവരാകണം.(2019 ജനുവരി 1- 2022 മാർച്ച്‌ 31 കാലയളവിൽ നടന്ന മത്സരങ്ങളായിരിക്കണം.

വിദ്യാഭ്യാസ യോഗ്യത: പ്ലസ് ടു അല്ലെങ്കിൽ തത്തുല്യ യോഗ്യത.

ശാരീരിക യോഗ്യത: ഉയരം: പുരുഷൻ-167 സെ.മീ, സ്ത്രീ-153 സെ.മീ
നെഞ്ചളവ്: പുരുഷൻ- 81-86 സെ.മീ, സ്ത്രീ- ബാധകമല്ല

പ്രായപരിധി: 2021 ഓഗസ്റ്റ് 1 അടിസ്ഥാനമാക്കി 18 മുതൽ 21 വരെ പ്രായമുള്ളവർക്ക് അപേക്ഷിക്കാം. അർഹരായവർക്ക് ചട്ടപ്രകാരം ഇളവ് നൽകും.

അപേക്ഷാ ഫീസ്: 100 രൂപ ഓർഡർ/ ഡിമാൻഡ് ഡ്രാഫ്റ്റ് ആയി അടയ്ക്കണം. എസ്.സി, എസ്.ടി, വനിതകൾ എന്നിവർക്ക് ഫീസടയ്‌ക്കേണ്ടതില്ല.

അപേക്ഷിക്കേണ്ട രീതി: നിർദിഷ്ടമാതൃകയിലെ അപേക്ഷ പൂരിപ്പിച്ച് യോഗ്യത തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകൾ, 2 പാസ്പോർട് സൈസ് ഫോട്ടോ, പോസ്‌റ്റൽ ഓർഡർ/ഡിമാൻഡ് ഡ്രാഫ്റ്റ് എന്നിവ സഹിതം വെബ്സൈറ്റിൽ നൽകിയ വിലാസത്തിൽ അയയ്ക്കണം.

കൂടുതൽ വിവരങ്ങൾക്ക്: https://cisfrectt.in