സംസ്ഥാനത്തെ സ്കൂളുകളിൽ അക്കാദമിക വർഷം നീട്ടേണ്ട സാഹചര്യമില്ല: വി.ശിവൻകുട്ടി

JOIN OUR WHATSAPP GROUP https://chat.whatsapp.com/Gif04ekAs550O2uoDpZkiU

തിരുവനന്തപുരം: സംസ്ഥാനത്തെ സ്കൂളുകളിൽ അക്കാദമിക് വർഷം നീട്ടേണ്ട സാഹചര്യം ഇല്ലെന്ന് മന്ത്രി വി.ശിവൻകുട്ടി. തിരുവനന്തപുരം കഴക്കൂട്ടം സൈനിക സ്കൂൾ സന്ദർശിച്ചശേഷം മാധ്യമ പ്രവർത്തകരോട് സംസാരിക്കുകയായിരുന്നു മന്ത്രി. ഇപ്പോൾ സിശ്ചയിച്ച തിയ്യതികളിൽ തന്നെ ക്ലാസുകളും പരീക്ഷകളും മുന്നോട്ട് പോകും. പരീക്ഷകൾക്ക് മുൻപായി പാഠഭാഗങ്ങൾ തീർക്കും. ഇതിനായി ഓരോ അധ്യാപകർക്കും പ്രത്യേകം ഉത്തരവാദിത്വം നൽകും. ഒന്നുമുതൽ 9വരെ ക്ലാസുകൾ 14ന് തന്നെ തുറക്കും. ഫെബ്രുവരി 28നുള്ളിൽ സ്കൂളിന്റെ മുഴുവൻ സമയ പ്രവർത്തനം സംബന്ധിച്ച ക്രമീകരണങ്ങൾ തീരുമാനിക്കുമെന്നും മന്ത്രി പറഞ്ഞു. ഒന്നുമുതൽ 12 വരെയുള്ള ക്ലാസുകൾ മുഴുവൻ സമയവും മുഴുവൻ വിദ്യാർത്ഥികളുമായി പ്രവർത്തിക്കുമ്പോൾ കൈക്കൊള്ളേണ്ട മാർഗനിർദേശങ്ങൾ നാളെ പുറത്തിറങ്ങും. പുതുക്കിയ മാർഗരേഖയാണ് 12ന് പ്രസിദ്ദീകരിക്കുക. വിദ്യാർഥികൾക്ക് പരമാവധി പഠനസമയം കണ്ടെത്തി പാഠഭാഗങ്ങൾ പൂർത്തിയാക്കാനാണ് തീരുമാനം. ഇതിനായി എത്രസമയം അധികമായി പഠനം നടത്താൻ കഴിയുമോ എന്ന് പരിശോധിച്ച് നടപ്പാക്കും. ഒന്നുമുതൽ 9 വരെയുള്ള ക്ലാസുകളിലെ കുട്ടികളുടെ സ്കൂൾ പഠനത്തെക്കുറിച്ചും ഈ ക്ലാസകുളിലെ പരീക്ഷകളെ സംബന്ധിച്ചുമുള്ള വിശദമായ മാർഗരേഖയാണ് പുറത്തിറക്കുക.