കണ്ണൂർ വിസി നിയമനം: മന്ത്രി ആർ.ബിന്ദുവിനെതിരായ ഹർജി ലോകായുക്ത തള്ളി

JOIN OUR WHATSAPP GROUP https://chat.whatsapp.com/CIB21kuuEnnLn7arUQ11Dk

തിരുവനന്തപുരം: കണ്ണൂർ സർവകലാശാല വൈസ്‌ ചാൻസലറായ പ്രൊഫ. ഗോപിനാഥ്‌ രവീന്ദ്രന്റെ പുനർനിയമനവുമായി ബന്ധപ്പെട്ട് മന്ത്രി ആർ.ബിന്ദുവിനെതിരെ രമേശ്‌ ചെന്നിത്തല നൽകിയ ഹർജി ലോകായുക്ത തള്ളി. മന്ത്രി എന്ന നിലയിൽ ചാൻസിലർക്ക് നിർദേശം മാത്രമാണ് ആർ.ബിന്ദു നൽകിയതെന്നും ആ നിർദേശം തള്ളാനും കൊള്ളാനുമുള്ള അധികാരം ഗവർണ്ണർക്കാണെന്നും ലോകായുക്ത വിധിയിൽ പറയുന്നു. ഗോപിനാഥ്‌ രവീന്ദ്രന്റെ പുനർനിയമനവുമായി ബന്ധപ്പെട്ട് ഉന്നത വിദ്യാഭ്യാസ മന്ത്രി ആർ.ബിന്ദു അവിഹിതമായി ഇടപ്പെട്ടു എന്ന ഹർജിയിലാണ് ഇന്ന് ലോകായുക്ത വിധി പറഞ്ഞത്. വിസിയെ നിയമിക്കാണോ വേണ്ടയോ എന്ന് തീരുമാനിക്കേണ്ടത് ചാൻസിലർ കൂടിയായ ഗവർണ്ണറാണെന്നും ലോകായുക്ത ചൂണ്ടിക്കാട്ടി. മന്ത്രി അധികാര ദുർവിനിയോഗം നടത്തിയിട്ടില്ലെന്നും വിധിയിൽ പറയുന്നു.