JOIN OUR WHATSAPP GROUP https://chat.whatsapp.com/LDcee2OuCZG0BXOqY10AMX
ന്യൂഡൽഹി: രാജ്യത്തെ വിദ്യാർത്ഥികളുടെ പഠനം ഉറപ്പാക്കാൻ \’വൺ ക്ലാസ് വൺ\’ ടിവി ചാനൽ ആരംഭിക്കും. കേന്ദ്ര ബജറ്റ് അവതരണത്തിൽ ധനമന്ത്രി നിർമല സീതാരാമനാണ് ഇക്കാര്യം പ്രഖ്യാപിച്ചത്. പ്രധാനമന്ത്രിയുടെ ഇ-വിദ്യ പദ്ധതി പ്രകാരമാണ് ചാനൽ തുടങ്ങുക. കോവിഡ് വ്യാപനത്തെ തുടർന്ന് ഗ്രാമങ്ങളിലെ പിന്നാക്ക വിഭാഗത്തിലുളള വിദ്യാർഥികൾക്ക് രണ്ടു വർഷത്തോളം ഔപചാരിക വിദ്യാഭ്യാസം നഷ്ടപ്പെട്ടെന്നും സർക്കാർ സ്കൂളുകളിലെ ഈ വിദ്യാർഥികൾക്ക് വിദ്യാഭ്യാസം ഉറപ്പുവരുത്തുന്നതിനാണ് വൺ ക്ലാസ് വൺ ചാനൽ പദ്ധതി ആരംഭിക്കുന്നതെന്നും ധനമന്ത്രി പറഞ്ഞു. ഓരോ സംസ്ഥാനത്തിലും അതത് പ്രാദശിക ഭാഷകളിലായിരിക്കും ചാനൽ സംപ്രേക്ഷണം ചെയ്യുക.
ഒന്നു മുതൽ പന്ത്രണ്ടാംക്ലാസ് വിദ്യാർത്ഥികൾക്ക് പ്രാദേശിക ഭാഷകളിൽ വിദ്യാഭ്യാസം ഉറപ്പാക്കാൻ ഈ ചാനൽ പദ്ധതിക്കു കഴിയും. രാജ്യത്ത് ഡിജിറ്റൽ യൂണിവേഴ്സിറ്റി ആരംഭിക്കുന്ന കാര്യവും ധനമന്ത്രി അവതരിപ്പിച്ചു. അധ്യയനത്തിന് ഓഡിയോ-വിഷ്വൽ പഠനരീതി നടപ്പാക്കും.
കാർഷിക സർവകലാശാലകളിലെ സിലബസ് നവീകരിക്കുന്നതിന് നടപടി ഉണ്ടാകും.
