അർഹരായ സ്കൂൾ ജീവനക്കാർക്ക് ഇന്നുമുതൽ \’വർക്ക് ഫ്രം ഹോം\’ സംവിധാനം

JOIN OUR WHATSAPP GROUP https://chat.whatsapp.com/LOg19vgAP3gBjasxEgNpeP

തിരുവനന്തപുരം: സംസ്ഥാനത്തെ സ്കൂളുകളിൽ ജോലിചെയ്യുന്ന അമ്മമാരും ഗർഭിണികളും രോഗികളുമായ ജീവനക്കാർക്ക് ഇന്നുമുതൽ \’വർക്ക് ഫ്രം ഹോം\’ സംവിധാനത്തിലേക് മാറാം. മേല്പറഞ്ഞ ജീവനക്കാർക്ക് വർക്ക് ഫ്രം ഹോം സംവിധാനം ഏർപ്പെടുത്താൻ കഴിഞ്ഞ ദിവസം പൊതുവിദ്യാഭ്യാസ വകുപ്പ് നിർദേശം നൽകിയിരുന്നു. ഇതനുസരിച്ച് ഇന്നുമുതൽ ഈ സംവിധാനം അർഹിക്കുന്നവർക്ക് ഇതിനായി പ്രിൻസിപ്പാൾമാർ/പ്രഥമാദ്ധ്യാപകർ എന്നിവരോട് ആവശ്യപ്പെടാം. സ്കൂളുകളിൽ ജോലിചെയ്യുന്ന, രണ്ട് വയസ്സിനു താഴെ പ്രായമുള്ള കുട്ടികളുളള അമ്മമാർ, ക്യാൻസർ രോഗികൾ, തീവ്രരോഗബാധിതർ
തുടങ്ങിയ ജീവനക്കാർക്ക് വർക്ക് ഫ്രം ഹോം സംവിധാനത്തിലൂടെ ജോലി
ചെയ്യുന്നതിനുളള അനുവാദമാണ് (സർക്കാർ ഡോക്ടറുടെ (അലോപ്പതി)
സാക്ഷ്യപത്രത്തിന്റെ അടിസ്ഥാനത്തിൽ) അതത് പ്രിൻസിപ്പാൾമാർക്ക് /പ്രഥമാദ്ധ്യാപകർ എന്നിവർക്ക് അനുവദിക്കാൻ കഴിയുക. വർക്ക് ഫ്രം ഹോമിൽ ഏർപ്പെടുന്ന എല്ലാ അദ്ധ്യാപകരും ഓൺലൈൻ ക്ലാസ്സുകളിലും തുടർപഠന പ്രവർത്തനങ്ങളിലും പൂർണ്ണമായിട്ടും
പങ്കെടുക്കുന്നുണ്ടെന്ന് പ്രിൻസിപ്പാൾമാർ/പ്രഥമാദ്ധ്യാപകർ ഉറപ്പു വരുത്തേണ്ടതാണ്. സംസ്ഥാനത്ത് കോവിഡ് വ്യാപനം രൂക്ഷമായ സാഹചര്യത്തിലും സംസ്ഥാന ദുരന്ത നിവാരണ വകുപ്പിന്റെ സൂചന ഉത്തരവുകളുടെ അടിസ്ഥാനത്തിലുമാണ്
മാർഗ്ഗനിർദ്ദേശങ്ങൾ നൽകുന്നത്.