അഖിലേന്ത്യ അന്തർ സർവകലാശാല ഫുട്ബോൾ ഫൈനലിൽ കാലിക്കറ്റ് സർവകലാശാല: ഫൈനൽ മത്സരം വൈകിട്ട് 3.30ന്

കോട്ടയം: അഖിലേന്ത്യ അന്തർ സർവകലാശാല പുരുഷ ഫുട്‌ബോൾ ചാമ്പ്യൻഷിപ്പ് ഫൈനലിൽ കാലിക്കറ്റ് സർവകലാശാല. ആതിഥേയരായ എംജി സർവകലാശാലയെ (1-0) തോൽപ്പിച്ചാണ് കാലിക്കറ്റ് ഫൈനലിൽ പ്രവേശിച്ചത്. ഇരുപത്തിയഞ്ചാം മിനിറ്റിൽ നിസാമുദ്ധീനാണ് ഗോൾ നേടിയത്. ഇന്ന് വൈകിട്ട് 3.30നാണ് ഫൈനൽ. പഞ്ചാബിലെ സാൻ്റ് ബാബ സർവകലാശാലയുമായാണ് കാലിക്കറ്റിൻ്റെ കിരീടപ്പോരാട്ടം.