കുട്ടികളുടെ ആരോഗ്യം വളരെ പ്രധാനപ്പെട്ടത്: സ്കൂൾ അടയ്ക്കുന്ന കാര്യത്തിൽ അവലോകന കമ്മിറ്റി നിർദേശം നിർണ്ണായകമെന്ന് മന്ത്രി

JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT

തിരുവനന്തപുരം: സ്കൂളുകൾ അടയ്ക്കുന്ന വിഷയത്തിൽ കോവിഡ് അവലോകന കമ്മിറ്റി നിർദേശം നൽകിയാൽ അത് ഗൗരവമായി കണ്ട് ആവശ്യമായ നടപടികൾ വിദ്യാഭ്യാസ വകുപ്പ് സ്വീകരിക്കുമെന്ന് മന്ത്രി വി.ശിവൻകുട്ടി. മാധ്യമ പ്രവർത്തകരുടെ ചോദ്യവത്തിന് മറുപടി പറയുകയായിരുന്നു അദ്ദേഹം. സ്കൂളുകളുടെ പ്രവർത്തനവുമായി ബന്ധപ്പെട്ട് പുനർചിന്തനം വേണമെന്ന് അവലോകന കമ്മിറ്റി നിർദേശിച്ചാൽ അതിന് അനുസരിച്ച് നടപടി എടുക്കും.
നാളെത്തന്നെ അവലോകന യോഗം ചേരും. കുട്ടികളുടെ ആരോഗ്യം വളരെ പ്രധാനപ്പെട്ടതാണെന്നും ഇന്ന് ഇതുമായി ബന്ധപ്പെട്ട് മുഖ്യമന്ത്രിയെ കാണുമെന്നും അദ്ദേഹം പറഞ്ഞു.