JOIN OUR WHATSAPP GROUP https://chat.whatsapp.com/IxYkPD1c5k1GDxsfvDfvKs
തിരുവനന്തപുരം: സംസ്ഥാനത്തെ സ്കൂളുകൾ ഉടൻ അടയ്‌ക്കേണ്ടതില്ലെന്ന് തീരുമാനം. മുഖ്യമന്ത്രിയുടെ അധ്യക്ഷതയിൽ തിരുവനന്തപുരത്ത് ചേർന്ന കോവിഡ് അവലോകന യോഗത്തിലാണ് തീരുമാനം. കോവിഡ്, ഒമിക്രോൺ കേസുകൾ കൂടുന്ന സാഹചര്യം ഉണ്ടെങ്കിലും സ്കൂളുകളുടെ പ്രവർത്തനത്തിൽ ഇപ്പോൾ നിയന്ത്രണം ആവശ്യമില്ലെന്നും യോഗം വിലയിരുത്തി. നിലവിലെ സാഹചര്യത്തിൽ സ്കൂളുകൾ അടയ്‌ക്കേണ്ടതില്ല. കൂടുതൽ കോവിഡ് വ്യാപനം ഉണ്ടായാൽ മറിച്ചുള്ള തീരുമാനം ആവശ്യമെങ്കിൽ അടുത്ത അവലോകന യോഗത്തിൽ കൈക്കൊള്ളും. അതേസമയം സംസ്ഥാനത്ത് ആൾക്കൂട്ട നിയന്ത്രണം ഉറപ്പാക്കും. ഓഫീസുകളുടെ നിയന്ത്രണം പരമാവധി ഓൺലൈൻ വഴിയാക്കും. വരാന്ത്യ ലോക്‌ഡൗണും ആവശ്യമില്ലെന്ന് അവലോകന യോഗം തീരുമാനിച്ചു.
