എയ്ഡഡ് സ്കൂൾ അധ്യാപക നിയമനത്തിൽ ഭിന്നശേഷി സംവരണം: നിയമഭേദഗതിക്കൊരുങ്ങി സർക്കാർ

JOIN OUR WHATSAPP GROUP https://chat.whatsapp.com/BCOwaLGheC02b6xzMmfnRT

തിരുവനന്തപുരം: സംസ്ഥാനത്തെ എയ്ഡഡ് സ്കൂളുകളിലെ അധ്യാപക നിയമനങ്ങളിൽ ഭിന്നശേഷി സംവരണത്തിന് നിയമഭേദഗതി നടത്താൻ സർക്കാർ തയ്യാറെടുക്കുന്നു. നിയമസഭയുടെ അനുമതിയോടെ കെഇആർ ഭേദഗതി വരുത്തണമെന്നാവശ്യപ്പെട്ട് കേരള പ്രൈവറ്റ് സ്കൂൾ മാനേജ്മെന്റ്സ് അസോസിയേഷൻ ഭാരവാഹികൾ മന്ത്രി വി.ശിവൻകുട്ടിയുമായി ചർച്ച നടത്തി. നിയമം ഭേദഗതി ചെയ്തില്ലെങ്കിൽ നിയമക്കുരുക്കിനു വഴിയൊരുക്കുമെന്നവിലയിരുത്തലിനെ തുടർന്നാണു സർക്കാർ നിയമഭേദഗതിക്ക് ആലോചിക്കുന്നത്. നിയമനങ്ങളിൽ ഭിന്നശേഷി സംവരണം പാലിക്കുന്നില്ലെന്ന ഹർജികളിൽ ഹൈക്കോടതി നേരത്തെ സർക്കാരിനോടു വിശദീകരണം തേടിയിരുന്നു. ഇതുമായി ബന്ധപ്പെട്ട് നിയമനങ്ങൾ സ്റ്റേചെയ്യുകയും ചെയ്തിരുന്നു.