JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP

തിരുവനന്തപുരം: 3വയസ്സിനുള്ളിൽ 5 റെക്കോർഡുകൾ സൃഷ്ടിച്ച ശ്രീഹാൻ ദേവ് വേൾഡ് ബുക്ക് ഓഫ് റെക്കോർഡ്സിലും ഇടം നേടി. 820 ഇംഗ്ലീഷ് വാക്കുകൾ തിരിച്ചറിഞ്ഞ ഏറ്റവും പ്രായം കുറഞ്ഞ കുട്ടി എന്ന ലോക റെക്കോർഡാണ് ശ്രീഹാൻ നേടിയത്. രണ്ടു വയസ്സും മൂന്നു മാസവും പ്രായമുള്ളപ്പോഴാണ് ശ്രീഹാൻ ഇന്ത്യൻ ബുക്ക് ഓഫ് റെക്കോർഡ്സിന് അർഹനായത്. പിന്നീടങ്ങോട്ട് കലാം വേൾഡ് റെക്കോർഡ്, പ്രൈഡ് ഓഫ് ഇന്ത്യ പുരസ്കാരം, വീണ്ടും ഇന്ത്യൻ ബുക്ക് ഓഫ് റെക്കോർഡ്സ് തുടങ്ങിയവയൊക്കെ ശ്രീഹാൻ വാരി കൂട്ടി. തൂണേരിയിലെ നെല്ല്യേരി താഴേക്കുനിയിൽ അജേഷിന്റെയും നടുവണ്ണൂർ കാവുന്തറയിലെ ഐ വി മനീജയുടെയും മകനാണ് ശ്രീഹാൻ ദേവ്. വിസ്മയിപ്പിക്കുന്ന പ്രതിഭയാണ് ശ്രീഹാൻ ദേവ് എന്ന് മന്ത്രി വി. ശിവൻകുട്ടി അഭിനന്ദിച്ചു. ശ്രീഹാന്റെ പ്രതിഭ വെളിപ്പെടുത്തുന്ന വീഡിയോ ഫേസ്ബുക്കിൽ ഷെയർ ചെയ്താണ് മന്ത്രി കുരുന്നു പ്രതിഭയെ അഭിനന്ദിച്ചത്. ശ്രീഹാനിലെ പ്രതിഭ ഇനിയും വളരട്ടെ എന്നും കുരുന്ന് പ്രതിഭയ്ക്ക് എല്ലാവിധ ആശംസകളും നേരുന്നു എന്നും മന്ത്രി സന്ദേശത്തിൽ കുറിച്ചു.