നഴ്‌സിങ് പ്രവേശനം: ആദ്യ അലോട്ട്‌മെന്റ് 15ന്

JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP

തിരുവനന്തപുരം: ഈ വർഷത്തെ ബി.എസ്.സി നഴ്സിങ് മെറിറ്റ് പ്രവേശന നടപടികൾ നാളെ മുതൽ ആരംഭിക്കും. പ്രവേശനത്തിനുള്ള ട്രയൽ അലോട്ട്മെന്റ് നവംബർ 11നും ആദ്യ അലോട്ട്മെന്റ് 15നും പ്രസിദ്ധീകരിക്കാനാണ് തീരുമാനം. ഗവ.കോളേജുകളിലെയും സ്വാശ്രയ, സഹകരണ കോളേജുകളിലെയും സിപാസിനു കീഴിലുള്ള കോളേജുകളിലെയും മെറിറ്റ് സീറ്റുകളിലേക്കുള്ള പ്രവേശനം നടത്താൻ മെഡിക്കൽ വിദ്യാഭ്യാസ വകുപ്പ് എൽ.ബി.എസിന് അനുമതി നൽകിയിട്ടുണ്ട്. ഇതനുസരിച്ചുള്ള നടപടികളാണ് നാളെ മുതൽ ആരംഭിക്കുക.

തിരുവനന്തപുരം, ആലപ്പുഴ, കോട്ടയം, എറണാകുളം, തൃശ്ശൂർ, കോഴിക്കോട്, പരിയാരം തുടങ്ങിയ സർക്കാർ കോളേജുകളിലായി 478 സീറ്റുകളടക്കം 6234 നഴ്സിങ് സീറ്റുകളാണ് സംസ്ഥാനത്ത് ഉള്ളത്. സർക്കാർ കോളേജുകളിലെ മുഴുവൻ സീറ്റിലും മറ്റു കോളേജുകളിലെ പകുതിസീറ്റിലും അലോട്മെന്റ് നടത്താനാണ് എൽ.ബി.എസ്ന് നിർദേശമുള്ളത്.
മാനേജ്മെന്റ് സീറ്റുകളിലേക്കുള്ള അലോട്ട്മെന്റുകൾ നേരത്തേ ആരംഭിച്ചിട്ടുണ്ട്.