ഒന്നര വർഷത്തിനു ശേഷം നാളെമുതൽ എട്ടാം ക്ലാസ് വിദ്യാർത്ഥികൾ സ്കൂളുകളിൽ

JOIN OUR WHATSAPP GROUP https://chat.whatsapp.com/FHz0gkFJMiP6Kca42mrmQP

തിരുവനന്തപുരം: സംസ്ഥാനത്തെ വിദ്യാലയങ്ങളിൽ നാളെ മുതൽ (നവംബർ 8) എട്ടാം ക്ലാസ് പഠനം പുനരാരംഭിക്കും. പ്ലസ് വൺ ക്ലാസുകൾ 15 മുതൽ ആരംഭിക്കും. നാഷണൽ അച്ചീവ്മെന്റ് സർവേ ഈ മാസം 12ന് നടക്കുന്ന സാഹചര്യത്തിലാണ് സ്കൂളുകളിൽ എട്ടാം ക്ലാസ് നേരത്തെ ആരംഭിക്കുന്നത്. 8, 9, 11 ക്ലാസുകൾ നവംബർ 15മുതൽ ആരംഭിക്കുമെന്നാണ് നേരത്തെ പ്രഖ്യാപിച്ചിരുന്നത്. ഒമ്പതാം ക്ലാസും പ്ലസ് വൺ ക്ലാസും നേരത്തെ പ്രഖ്യാപിച്ച പ്രകാരം നവംബർ 15ന് തുടങ്ങും.19 മാസത്തെ ഇടവേളയ്ക്ക് ശേഷം നവംബർ 1 നാണ് സ്കൂളുകൾ തുറന്നത്. ഒന്ന്‌ മുതൽ ഏഴു വരേയും 10,12 ക്ളാസുകളുമാണ് നവംബർ ഒന്നിന് ആരംഭിച്ചിരുന്നത്.