വിദ്യാർത്ഥികളുടെ വക ഹാന്റ് വാഷ്: അഭിനന്ദനവുമായി മന്ത്രി

തിരുവനന്തപുരം : നവംബർ ഒന്നിന് സ്കൂളുകൾ തുറക്കുമ്പോൾ സുരക്ഷാ ക്രമീകരണങ്ങളുടെ ഭാഗമായി ഹാൻഡ്‌ വാഷ് നിർമ്മിച്ചു നൽകുകയാണ് സ്കൂൾ വിദ്യാർത്ഥികൾ. ശാസ്ത്രരംഗം സമിതിയുടെ നേതൃത്വത്തിൽ വിദ്യാലയങ്ങളിലേക്ക് ഹാന്റ് വാഷ് തയാറാക്കി നൽകുന്ന പദ്ധതിയുടെ ഉദ്ഘാടനം മന്ത്രി വി.ശിവൻകുട്ടി നിർവഹിച്ചു. അസംസ്‌കൃത വസ്തുക്കളുപയോഗിച്ച് ശാസ്ത്രീയരീതിയിൽ വിദ്യാർത്ഥികൾ തന്നെയാണ് ഹാന്റ് വാഷ് നിർമ്മിക്കുന്നത്. ചെലവു കുറഞ്ഞ രീതിയിൽ ഗുണനിലവാരമുള്ള ഹാൻഡ് വാക്കുകളാണ് കുട്ടികൾ നിർമ്മിക്കുന്നത്സ്‌. കൂളുകൾ തുറക്കുന്ന അവസരത്തിൽ ഈ പ്രവർത്തനത്തിന്റെ സാമൂഹ്യപ്രസക്തി ഏറെ വലുതാണെന്ന് മന്ത്രി പറഞ്ഞു. വിദ്യാർത്ഥികളിൽ സാമൂഹ്യചിന്തയും ശാസ്ത്രീയമനോഭാവവും വളർത്താൻ ഇതുപകരിക്കും. തിരുവനന്തപുരം പട്ടം ഗേൾസ് ഹയർ സെക്കണ്ടറി സ്‌കൂളിലെ വിദ്യാർത്ഥിനികളായ കുമാരി. വിസ്മയ. വി, കുമാരി. നിള.വി. എന്നിവർ സ്വന്തമായി തയാറാക്കിയ ഹാന്റ് വാഷ് മന്ത്രിയ്ക്ക് കൈമാറി.പൊതുവിദ്യാഭ്യാസ ഡയറക്ടർ ജീവൻബാബു.കെ. ഐ.എ.എസ്, ഹയർ സെക്കണ്ടറി വിഭാഗം ജോയിന്റ് ഡയറക്ടർ സുരേഷ്‌കുമാർ, ശാസ്ത്രരംഗം സംസ്ഥാന കോർഡിനേറ്റർ ടി.കെ.എ. ഷാഫി, തിരുവനന്തപുരം ജില്ലാ കോർഡിനേറ്റർ എം.കെ.മെഹബൂബ്, സ്‌കൂൾ പ്രിൻസിപ്പൽ അനിതകുമാരി.പി., ഹെഡ്മിസ്ട്രസ് നസീമാബീവി.പി, പൊതുവിദ്യാഭ്യാസ സംരക്ഷണയജ്ഞം ജില്ലാ കോർഡിനേറ്റർ ജവാദ്, വിനയർ. വി.എസ്. , ലീലാവതി.കെ.സി എന്നിവർ പങ്കെടുത്തു.