പ്ലസ് വൺ മൂല്യനിർണ്ണയം ഇന്നുമുതൽ: മാറ്റിവച്ച പരീക്ഷ പിന്നീട്

തിരുവനന്തപുരം: ഹയർസെക്കൻഡറി ഒന്നാംവർഷ (Plus one exam) പരീക്ഷയുടെ മൂല്യനിർണയം ഇന്ന് ആരംഭിക്കും. സംസ്ഥാനത്ത് 80 കേന്ദ്രങ്ങളിലായി 25,000 അധ്യാപകരാണ് മൂല്യനിർണയ ഡ്യൂട്ടിക്കായി നിയോഗിക്കപ്പെട്ടിട്ടുള്ളത്. 5 പേരുള്ള ഓരോ ബാച്ചായാണ് മൂല്യനിർണയം നടത്തുക. സുപ്രീം കോടതിയുടെ അനുമതിയോടെയാണ് ഈ വർഷം പ്ലസ് വൺ പരീക്ഷകൾ സ്കൂളുകളിൽ നടത്തിയത്. സെപ്റ്റംബർ 24നാണ് പ്ലസ് വൺ പരീക്ഷകൾ ആരംഭിച്ചത്. പരീക്ഷ ഒക്ടോബർ 18ന് അവസാനിക്കാനിരിക്കെയാണ് അന്നത്തെ പരീക്ഷ മഴയെ തുടർന്ന് മാറ്റിയത്. മാറ്റിയ പരീക്ഷയുടെ പുതിയ തിയതി പ്രഖ്യാപിച്ചിട്ടില്ല. മഴക്കെടുത്തികൾക്ക് ശേഷം പരീക്ഷ നടത്താനാണ് തീരുമാനം. വൊക്കേഷനൽ ഹയർസെക്കൻഡറി പരീക്ഷകൾ സെപ്റ്റംബർ 24ന് ആരംഭിച്ച് ഒക്ടോബർ 13ന് അവസാനിച്ചിരുന്നു.