10,12 ക്ലാസ് പരീക്ഷകളുടെ ടൈംടേബിൾ പുറത്തിറക്കി: നവംബർ16 മുതൽ പരീക്ഷ

ന്യൂഡൽഹി: ഈ വർഷത്തെ സിബിഎസ്ഇ 10, 12 ക്ലാസുകളിലെ ആദ്യ ടേംപരീക്ഷകൾ നവംബർ 16മുതൽ ആരംഭിക്കും. ആദ്യ ടേം പരീക്ഷകളുടെ ടൈംടേബിൾ സിബിഎസ്ഇ പുറത്തിറക്കി. പാഠഭാഗങ്ങളെ മേജർ, മൈനർ വിഷയങ്ങളായി തരം തിരിച്ചാണ് ആദ്യ ടേം പരീക്ഷ നടത്തുന്നത്. 90 മിനിറ്റ് ദൈർഘ്യമുള്ള ഒബ്ജക്ടീവ് രീതിയിലാണ് പരീക്ഷകൾ. നേരത്തെ സിബിഎസ്ഇ പരീക്ഷകൾ 10 30 നാണ് ആരംഭിച്ചിരുന്നതെങ്കിൽ ഈ വർഷം
രാവിലെ 11.30നാണ് ആരംഭിക്കുക. പരീക്ഷയ്ക്ക് തയ്യാറെടുക്കാൻ ഉള്ള \’കൂൾ ഓഫ് ടൈം\’ 20 മിനിട്ടായി ഉയർത്തിയിട്ടുണ്ട്.
10-ാം ക്ലാസിന്റെ മൈനർ വിഷയങ്ങളിലെ പരീക്ഷകൾ നവംബർ 17നും 12-ാംക്ലാസിന്റേത് 16നും തുടങ്ങും. ഹിന്ദി, കണക്ക്, സയൻസ്, ഇംഗ്ലിഷ് തുടങ്ങിയ വിഷയങ്ങൾ മേജർ വിഭാഗത്തിലുംതമിഴ്, മലയാളം, സംഗീതം തുടങ്ങിയവിഷയങ്ങൾ മൈനർ വിഭാഗത്തിലുമാണ് ഉൾപ്പെടുത്തിയിരിക്കുന്നത്. മേജർ വിഷയങ്ങളിലെ പരീക്ഷകൾ യഥാക്രമം നവംബർ 30, ഡിസംബർ 1 തീയതികളിൽ ആരംഭിക്കും. പത്താം ക്ലാസ് പരീക്ഷ ഡിസംബർ 11നും 12-ാം ക്ലാസ് പരീക്ഷ 18നും അവസാനിക്കും. മേജർ വിഷയങ്ങളിലെ പരീക്ഷ അതതു സ്കൂളുകളിൽ നടക്കും. മൈനർ വിഷയങ്ങളിൽ വിദ്യാർഥികൾ കുറവായതിനാൽ ഈ വിഷയങ്ങൾ പഠിപ്പിക്കുന്ന വിവിധ സ്കൂളുകളെ ചേർത്ത് ഒരു സ്കൂളിൽ വിവിധ പരീക്ഷകൾ ഒരു ദിവസം നടത്താനാണ് അധികൃതരുടെ തീരുമാനം. പരീക്ഷകൾ നവംബർ 15ന് ആരംഭിക്കുമെന്നതരത്തിൽ പ്രചരിച്ചിരുന്ന ടൈംടേബിൾ വ്യാജമാണെന്ന് സിബിഎസ്ഇ അറിയിച്ചു.

• കേരള പബ്ലിക് സർവീസ് കമ്മീഷന്റെ ഈ വർഷത്തെ വാ​ർ​ഷി​ക പ​രീ​ക്ഷാ ക​ല​ണ്ട​ർ
• 5ലെ പ്ലസ്ടു ഹിന്ദി പരീക്ഷാ സമയത്തിൽ മാറ്റം
• കെടെറ്റ്: അപേക്ഷിക്കാനുള്ള സമയപരിധി 7ന് അവസാനിക്കും
• പുതിയ വർഷം മുതൽ സ്‌കൂളുകളിൽ പരിഷ്‌ക്കാരം: വേനലവധി മാറ്റുമോ?
• മദർ തെരേസ സ്കോളർഷിപ്പിന് അപേക്ഷ നൽകാനുള്ള സമയപരിധി 9 ന് അവസാനിക്കും