അന്തിമ മാർഗരേഖ ഒക്ടോബർ 5നകം: നാളെ അധ്യാപക സംഘടനകളുടെ യോഗം

തിരുവനന്തപുരം: സംസ്ഥാനത്ത് സ്കൂൾ തുറക്കുന്നതിനുള്ള അന്തിമ മാർഗരേഖ ഒക്ടോബർ 5നകം പ്രസിദ്ധീകരിക്കുമെന്ന് മന്ത്രി വി.ശിവൻകുട്ടി. തിരുവനന്തപുരത്ത് മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം. വിവിധ വകുപ്പുകളുമായി നടത്തിയ ചർച്ചകളിൽ അന്തിമ മാർഗരേഖയുമായി ബന്ധപ്പെട്ട ധാരണയിലെത്താൻ കഴിഞ്ഞിട്ടുണ്ട്. നാളെയും മറ്റന്നാളുമായി അധ്യാപകരുടേയും വിദ്യാർത്ഥി സംഘടനകളുടെയും ഓൺലൈൻ യോഗം വിളിക്കുമെന്നും മന്ത്രി പറഞ്ഞു. ഇന്ന് വൈകുന്നേരം ഗതാഗത മന്ത്രി ഉൾപ്പെടെയുള്ളവർ പങ്കെടുക്കുന്ന യോഗത്തിൽ കുട്ടികളുടെ യാത്രാ സൗകര്യവുമായി ബന്ധപ്പെട്ട കാര്യങ്ങളിലും അന്തിമ തീരുമാനമാകും.