കമ്പൈൻഡ് ഗ്രാജുവേറ്റ് ലെവൽ പരീക്ഷ 13ന്: അഡ്മിറ്റ്‌ കാർഡ് പ്രസിദ്ധീകരിച്ചു

ന്യൂഡൽഹി: സ്റ്റാഫ് സെലക്ഷൻ കമ്മീഷൻ കമ്പൈൻഡ് ഗ്രാജുവേറ്റ് ലെവൽ (സി.ജി.എൽ) പരീക്ഷയുടെ അഡ്മിറ്റ് കാർഡ് പ്രസിദ്ധീകരിച്ചു. ഈമാസം13 മുതലാണ് പരീക്ഷ ആരംഭിക്കുക. വെബ്സൈറ്റിൽ രജിസ്ട്രേഷൻ നമ്പറും പാസ് വേഡും നൽകി അഡ്മിറ്റ് കാർഡ് ഡൗൺലോഡ് ചെയ്യാം. കേരളത്തിൽ നിന്നുള്ള ഉദ്യോഗാർഥികൾക്ക് കേരള റീജിയണിന്റെ വെബ്സൈറ്റായ https://ssckkr.kar.nic.in/ വഴി അഡ്മിറ്റ് കാർഡ് ഡൗൺലോഡ് ചെയ്യാം. 7,000ത്തോളം ഒഴിവുകളിലേക്കാണ് ഇത്തവണ സ്റ്റാഫ് സെലക്ഷൻ കമ്മീഷൻ അപേക്ഷ ക്ഷണിച്ചിട്ടുള്ളത്. മൂന്ന് ഘട്ടമായി നടത്തുന്ന പരീക്ഷയുടെ ആദ്യഘട്ടമാണ് ആഗസ്റ്റ് 13ന് ആരംഭിക്കുന്നത്. കേന്ദ്ര സർക്കാരിന് കീഴിലുള്ള വിവിധ മന്ത്രാലയങ്ങളിലേയും വിഭാഗങ്ങളിലേയും ഗ്രൂപ്പ് ബി, സി തസ്തികകളിലെ നിയമനത്തിനായാണ് സ്റ്റാഫ് സെലക്ഷൻ കമ്മീഷൻ സിജിഎൽ പരീക്ഷ നടത്തുന്നത്.