പ്ലസ് വൺ പ്രവേശനം അടുത്തയാഴ്ച മുതൽ

തിരുവനന്തപുരം: ഈ വർഷത്തെ പ്ലസ് വൺ പ്രവേശനം അടുത്തയാഴ്ച ആരംഭിക്കും. സിബിഎസ്ഇ 10-ാം ക്ലാസ് ഫലംകൂടി വന്ന ശേഷം വിജ്ഞാപനം പുറത്തിറങ്ങും. എസ്എസ്എൽസി വിജയശതമാനം കൂടിയ സാഹചര്യത്തിൽ ഈ വർഷം പ്ലസ് വൺ സീറ്റ് ഗണ്യമായി വർധിച്ചിട്ടുണ്ട്.

കാസർകോട് മുതൽ പാലക്കാട് വരെയുള്ള വടക്കൻ ജില്ലകളിൽ 20 ശതമാനം സീറ്റുകൾ അധികം നൽകിയിട്ടുണ്ട്. തെക്കൻ ജില്ലകളിൽ 10 ശതമാനം സീറ്റുകൾ വർദ്ധിപ്പിക്കും. കുട്ടികളുടെ എണ്ണം കൂടുന്നതിനനുസരിച്ച് ആവശ്യമുള്ള ജില്ലകളിൽ സീറ്റുകളുടെ എണ്ണം ഇനിയും വർധിപ്പിക്കുമെന്ന് പൊതുവിദ്യാഭ്യാസ വകുപ്പ് അറിയിച്ചിട്ടുണ്ട്.

സ്കൂളുകളിലെ അധ്യാപകരുടെ
നേതൃത്വത്തിൽ ജി-സ്യൂട്ട് പ്ലാറ്റ്ഫോം വഴിയുള്ള ഓൺലൈൻ ക്ലാസുകളും
അടുത്തയാഴ്ചയോടെ ആരംഭിക്കാനാണ് ശ്രമം. ആദ്യം വിഎച്ച്എസ്ഇയിലും പിന്നീടു
ഹയർസെക്കൻഡറി, ഹൈസ്കൂൾ
എന്നീ ക്രമത്തിലുമാണ് ഓൺലൈൻ ക്ലാസുകൾ തുടങ്ങുക. കൈറ്റ് വിക്ടേഴ്സ് ചാനലിലെ ഓൺലൈൻ ക്ലാസുകൾക്ക് പുറമേയാണ് ഈ ക്ലാസുകൾ നടക്കുക.