നാളെ ലോക്ഡൗണിനു സമാനം: പ്ലസ്ടു പരീക്ഷയ്ക്ക് മാറ്റമില്ല

തിരുവനന്തപുരം: കോവിഡ് വ്യാപനം കുറയ്ക്കാൻ നാളെ സംസ്ഥാനത്ത് ലോക്ഡൗണിനു സമാനമായ നിയന്ത്രണം ഉണ്ടാകുമെങ്കിലും ഹയർ സെക്കൻഡറി പരീക്ഷ തടസ്സമില്ലാതെ നടക്കും. ഇതിനായി അധ്യാപകർക്കും കുട്ടികൾക്കും യാത്രാനുമതി നൽകിയിട്ടുണ്ട്. വിദ്യാർത്ഥികളുമായെത്തുന്ന രക്ഷിതാക്കൾ സ്‌കൂളുകൾക്ക് മുന്നിൽ കൂട്ടംകൂടരുതെന്ന് നിർദേശം നൽകിയിട്ടുണ്ട്.

കുട്ടികളെ സ്‌കൂളിൽ വിട്ടശേഷം രക്ഷിതാക്കൾ മടങ്ങണം. പരീക്ഷ അവസാനിച്ച ശേഷമെത്തി കുട്ടികളെ കൊടുപോകാം. വിദ്യാർത്ഥികൾക്ക് യാത്രാസൗകര്യം ഒരുക്കുന്ന കാര്യത്തിൽ ഇടപെടാൻ ജില്ലാ കളക്ടർമാർക്ക് നിർദ്ദേശം നൽകിയതായി മുഖ്യമന്ത്രി പിണറായി വിജയൻ പറഞ്ഞു.