കെ-ടെറ്റ് സർട്ടിഫിക്കറ്റ് പരിശോധന മെയ് ആദ്യവാരം

തിരുവനന്തപുരം: ഡിസംബറിൽ നടന്ന കെ-ടെറ്റ് പരീക്ഷ വിജയിച്ചവരുടെ സർട്ടിഫിക്കറ്റ് വെരിഫിക്കേഷൻ മെയ് ആദ്യ വാരം നടക്കും. തിരുവനന്തപുരം ഗവ. എസ്.എം.വി ഹൈസ്‌കൂളിൽ രാവിലെ 10.30 മുതൽ 4.00 വരെയാണ് പരിശോധന. മെയ് മൂന്നിന് കാറ്റഗറി 1 & 4, മെയ്‌ നാലിന് കാറ്റഗറി 2, അഞ്ചിനും ആറിനും കാറ്റഗറി 3 വിഭാഗത്തിനുമാണ് പരിശോധന.

വെരിഫിക്കേഷന് സർട്ടിഫിക്കറ്റുകളുടെയും മാർക്ക് ലിസ്റ്റിന്റെയും (എസ്.എസ്.എൽസി മുതൽ) അസ്സലും സ്വയം സാക്ഷ്യപ്പെടുത്തിയ പകർപ്പും ഹാജരാക്കണം. ഹാൾ ടിക്കറ്റും കൊണ്ടു വരണം. കോവിഡ് മാനദണ്ഡം പാലിച്ചാണ് പരിശോധന നടത്തുക.