പ്രധാന വാർത്തകൾ
സ്കൂളുകളിൽ ഓൾ പാസ് സമ്പ്രദായം തുടരും: പഠിക്കാത്തവർക്ക് മെയ് അവസാനം നിലവാരപ്പരീക്ഷസംസ്ഥാനത്ത് അവധിക്കാല ക്ലാസുകൾ വരുന്നു: ‘വീട്ടുമുറ്റത്തെ വിദ്യാലയം’ഒന്നാം ക്ലാസ് പ്രവേശനത്തിന് 6 വയസ്; സിബിഎസ്ഇ സ്കൂളുകളില്‍ അടുത്ത അധ്യയന വർഷം തന്നെ നടപ്പാക്കുംഅന്തർസർവകലാശാല ബേസ്ബോൾ വനിതാ മത്സരത്തിൽ കാലിക്കറ്റ്‌ സർവകലാശാല ഒന്നാമത്കേരള ഹൈക്കോടതിയിൽ അസിസ്റ്റൻ്റ് തസ്തികകളിൽ നിയമനം: അപേക്ഷ 3മുതൽഒന്‍പതാം ക്ലാസില്‍ പാഠ്യപദ്ധതി പരിഷ്കരണമുണ്ടാകില്ലെന്ന് സിബിഎസ്ഇസംസ്കൃത സർവകലാശാലയിൽ നാടക പഠനത്തിൽ പിജി കോഴ്സ്: വിശദവിവരങ്ങൾ അറിയാം22 ദിവസത്തിനുള്ളിൽ പിജി ഫലം പുറത്തുവിട്ട് കാലിക്കറ്റ് സർവകലാശാല3,4, 6,7 ക്ലാസുകളിലെ പരീക്ഷാഫലം വന്നു: അതിവേഗം ഡിഇഡിരക്ഷിതാക്കൾക്കും നാട്ടുകാർക്കും അഭിപ്രായം അറിയിക്കാം: പഠന പിന്തുണാ പരിപാടി ഏപ്രിൽ മുതൽ

ഇന്ത്യയിൽ പുതിയ 4 സസ്യങ്ങൾ കൂടി: കണ്ടെത്തലിനു പിന്നിൽ കാലിക്കറ്റ് സര്‍വകലാശാല

Mar 31, 2021 at 6:37 pm

Follow us on

\"\"

തേഞ്ഞിപ്പലം: കാലിക്കറ്റ് സര്‍വകലാശാല സസ്യശാസ്ത്ര വിഭാഗത്തിന്റെ നേതൃത്വത്തിൽ നടന്ന ഗവേഷണത്തിൽ നാല് പുതിയ സസ്യ ഇനങ്ങൾ കണ്ടെത്തി. സസ്യശാസ്ത്ര വിഭാഗം പ്രൊഫ. സന്തോഷ് നമ്പിയുടെ നേതൃത്വത്തില്‍ നടന്ന ഗവേഷണങ്ങളുടെ ഫലമായാണ് സർവകലാശലയുടെ പുതിയ നേട്ടം. അരുണാചല്‍ പ്രദേശിലെ സീറോയില്‍ നിന്നും കണ്ടെത്തിയ ജസ്‌നേറിയസിയെ സസ്യകുടുംബത്തില്‍ ലൈസിയോ നോട്ടസ് ജനുസില്‍പ്പെടുന്ന സസ്യത്തിന് ലൈസിയോനോട്ടസ് സിറോയെന്‍സിസ് എന്നാണ് നാമകരണം ചെയ്തിട്ടുള്ളത്. ഡോ. സന്തോഷ് നമ്പി, ഗവേഷകരായ അഖില്‍ എം.കെ., നിഖില്‍ കൃഷ്ണ, അമൃത എന്നിവര്‍ ചേര്‍ന്നാണ് ഈ സസ്യത്തെ കണ്ടെത്തിയത്.

\"\"

അന്താരാഷ്ട്ര ജേണലായ ജേണല്‍ ഓഫ് ഏഷ്യാ പസഫിക് ബയോഡൈവേഴ്‌സിറ്റിയില്‍ ഇതുമായി ബന്ധപ്പെട്ട ഗവേഷണഫലങ്ങള്‍ പ്രസിദ്ധീകരിച്ചിട്ടുണ്ട്. പ്രൊഫ. സന്തോഷ് നമ്പി, അഖില്‍ എം.കെ., ജവാദ് പി. എന്നിവര്‍ ചേര്‍ന്ന് ചൈനയില്‍ മാത്രം കണ്ടു വന്നിരുന്ന ലൈസിയോനോട്ടസ് ഗാമോസെപാലസ് എന്ന സസ്യത്തെ അരുണാചല്‍ പ്രദേശിലെ റോയിംഗ് പ്രദേശത്തു നിന്നും കഴിഞ്ഞ വര്‍ഷം കണ്ടെത്തിയിരുന്നു.

ഇടുക്കിയിലെ മീശപ്പുലിമലയില്‍ നിന്നും കണ്ടെത്തിയ മറ്റൊരു സസ്യമാണ് കംപാനുലേസിയ കുടുംബത്തില്‍പ്പെട്ട് അസൈന്യൂമകുപുലാരെ. ഇടുക്കി ജില്ലയിലെ സപുഷ്പി സസ്യങ്ങളുടെ ക്രോഡീകരണവുമായി ബന്ധപ്പെട്ട കേരള ശാസ്ത്രസാങ്കേതിക പരിസ്ഥിതി കൗണ്‍സിലിന്റെ പ്രൊജക്ടിന്റെ ഭാഗമായി പ്രൊഫ. സന്തോഷ് നമ്പി, ഗവേഷകരായ ദിവ്യ കെ. വേണുഗോപാല്‍, വിഷ്ണു മോഹന്‍, ഡാനി ഫ്രാന്‍സിസ് എന്നിവരാണ് ഈ സസ്യത്തെ കണ്ടെത്തിയിരിക്കുന്നത്.

\"\"

പ്രസ്തുത ഗവേഷണ ഫലം അന്താരാഷ്ട്ര സസ്യവര്‍ഗീകരണ ജേണലായ നോഡിക് ജേണല്‍ ഓഫ് ബോട്ടണിയില്‍ പ്രസിദ്ധീകരിച്ചിട്ടുണ്ട്. മെലാസ്റ്റോ മെറ്റേസിയെ സസ്യകുടുംബത്തിലെ സുന്ദരിയില എന്നറിയപ്പെടുന്ന സോണറില ജനുസില്‍ രണ്ട് സസ്യങ്ങള്‍ കൂടി പുതിയതായി കണ്ടെത്തി. പ്രൊഫ. സന്തോഷ് നമ്പി, ഗവേഷക ചേലക്കര സ്വദേശിനി രശ്മി എസ്. എന്നിവരാണ് ഈ പുതിയ സസ്യങ്ങളെ കണ്ടെത്തിയത്. വയനാട്ടിലെ ബാണാസുര മലനിരകളുടെ ഭാഗമായ കാറ്റുകുന്നില്‍ നിന്നും കണ്ടെത്തിയ സസ്യത്തിന് സോണറില ലോംഗി പെഡംഗുലേറ്റ എന്നാണ് ശാസ്ത്രീയ നാമം നല്‍കിയിരിക്കുന്നത്. സൈലന്റ്‌വാലി നാഷണല്‍ പാര്‍ക്കില്‍ നിന്നും കണ്ടെത്തിയ ഈ ജനുസിലെ മറ്റൊരു സസ്യമാണ് സോണറില സ്റ്റോളനിഫെറ. ഈ രണ്ടു പുതിയ കണ്ടെത്തലുകളുടെ വിശദാംശങ്ങള്‍ അന്താരാഷ്ട്ര ജേണലുകളായ യൂറോപ്യന്‍ ജേണല്‍ ഓഫ് ടാക്‌സോണമിയിലും ന്യൂയോര്‍ക്ക് ബൊട്ടാണിക്കല്‍ ഗാര്‍ഡനില്‍ നിന്നുള്ള ബ്രിട്ടോണിയയിലും പ്രസിദ്ധീകരിച്ചിട്ടുണ്ട്.

\"\"
\"\"

Follow us on

Related News