ചെന്നൈ: പുതുച്ചേരി ജിപ്മറിൽ (ജവാഹർലാൽ ഇൻസ്റ്റിറ്റ്യൂട്ട് ഓഫ് പോസ്റ്റ് ഗ്രാജ്വേറ്റ് മെഡിക്കൽ എജ്യുക്കേഷൻ ആൻഡ് റിസർച്ച്) വിവിധ കോഴ്‌സുകളിലേക്ക് നാളെ (മാർച്ച്‌ 15)വരെ അപേക്ഷിക്കാം. അപേക്ഷാഫോമുകളും വിശദവിവരങ്ങളും https://jipmer.edu.in/whats-new എന്ന ലിങ്ക് വഴി ലഭിക്കും. 130 രൂപയാണ് അപേക്ഷാ ഫീസ്. അപേക്ഷകൾ മാർച്ച് 15ന് വൈകിട്ട് 4.30-നകം സമർപ്പിക്കണം. പുതുച്ചേരി ജിപ്മറിൽ ലഭ്യമായ കോഴ്സുകൾ താഴെ.

എമർജൻസി മെഡിക്കൽ ടെക്നീഷ്യൻ

പ്ലസ്ടു സയൻസ് അല്ലെങ്കിൽ എംഎൽടി/നഴ്സിങ് വൊക്കേഷണൽ സ്ട്രീം  പാസായവർക്ക് അപേക്ഷിക്കാം.

ക്വാളിഫൈഡ് മോർച്ചറി അസിസ്റ്റന്റ്, ഫ്ലബറ്റോമി

ബയോളജി വിഷയമായി പഠിച്ച് പ്ലസ്ടു സയൻസ് സ്ട്രീമിൽ ജയിച്ചവർക്ക് അപേക്ഷിക്കാം.
പ്രായം 2020 ഡിസംബർ 31-ന് 17-നും 25-നും ഇടയിലായിരിക്കണം.

എമർജൻസി മെഡിക്കൽ ടെക്നീഷ്യൻ, ക്വാളിഫൈഡ് മോർച്ചറി അസിസ്റ്റന്റ് കോഴ്സുകൾ മാസമാണ്. ഇതിനു ശേഷം ഒരുവർഷത്തെ ഓപ്ഷണൽ ഇന്റേൺഷിപ്പും ഉണ്ടാകും.
ഇന്റേൺഷിപ്പ് സമയത്ത് 3713 രൂപ പ്രതിമാസം സ്റ്റൈപ്പൻഡ് ലഭിക്കും. ഫ്ലബറ്റോമി കോഴ്സിന് 6 മാസ പരിശീലനവും 6 മാസത്തെ നിർബന്ധിത ഇന്റേൺഷിപ്പും ഉണ്ട്.

മൂന്ന് മാസത്തെ എന്ററോസ്റ്റോമാൾ തെറാപ്പി കോഴ്സ് പ്രവേശനത്തിന് ബിഎസ്.സി. നഴ്സിങ് പൂർത്തിയാക്കിയവർക്ക് അപേക്ഷിക്കാം. ഒരു വർഷത്തെ ക്ലിനിക്കൽ പരിചയം നിർബന്ധം.