ന്യൂഡല്‍ഹി: സൈനിക് സ്‌കൂള്‍ പ്രവേശന പരീക്ഷാഫലം നാഷണല്‍ ടെസ്റ്റിങ് ഏജന്‍സി പ്രസിദ്ധീകരിച്ചു. രാജ്യത്തെ 33 സൈനിക് സ്‌കൂളുകളിലെ പ്രവേശനത്തിനായി നടത്തിയ ആള്‍ ഇന്ത്യ സൈനിക് സ്‌കൂള്‍ എന്‍ട്രന്‍സ് എക്‌സാമിന്റെ (എ.ഐ.എസ്.എസ്.ഇ.ഇ) ഫലമാണ് പ്രസിദ്ധീകരിച്ചത്. ഫലം പരിശോധിക്കുവാന്‍ https://aissee.nta.nic.in/WebInfo/Page/Page?PageId=1&LangId=P എന്ന വെബ്‌സൈറ്റ് കാണുക. പ്രവേശനത്തിന് യോഗ്യത നേടിയ കുട്ടികളുടെ സ്‌കൂള്‍തല, ക്ലാസ്സ് തല, കാറ്റഗറി തല ലിസ്റ്റ് എന്‍.ടി.എ വെബ്‌സൈറ്റില്‍ പ്രസിദ്ധീകരിക്കും. ആറ്, ഒന്‍പത് ക്ലാസ്സുകളിലെ പ്രവേശനത്തിനായുള്ള പരീക്ഷ ഫെബ്രുവരി ഏഴിനാണ് നടന്നത്. കൂടുതല്‍ വിവരങ്ങള്‍ക്ക് വെബ്‌സൈറ്റ് സന്ദര്‍ശിക്കുക.